يراندا يزرايل شابۋىلىنان شامامەن 40 وقۋشى قازا تاپتى, تاعى دا ونداعان وقۋشى جارالاندى, دەپ حابارلايدى Egemen.kz.
وقيعا يراننىڭ وڭتۇستىگىندەگى حورموزگان پروۆينتسياسى, ميناب وكرۋگىندە بولعان. بۇل تۋرالى يراننىڭ IRNA اگەنتتىگى جەرگىلىكتى بيلىككە سىلتەمە جاساپ حابارلادى.
اگەنتتىك مالىمەتىنە سايكەس, شابۋىل كەزىندە ميناب وكرۋگىندەگى باستاۋىش مەكتەپتىڭ قىز بالالار ءبولىمى نىساناعا الىنعان. بۇل – يران تاراپىنان حابارلانعان العاشقى قۇرباندار. اۋەلدە 24 وقۋشىنىڭ قازاسى حابارلانعانىمەن, سوڭىنان قۇرباندار سانى وسكەنى بەلگىلى بولدى.
ازىرگە اقش تا, يزرايل دە مەكتەپكە جاسالعان سوققىعا قاتىستى ناقتى مالىمەت بەرگەن جوق.
ايتا كەتەيىك, يزرايل 28 اقپاندا تاڭەرتەڭ يرانعا سوققى جاسادى. شابۋىلدى ەلدىڭ قورعانىس مينيسترى يسراەل كاتس راستادى. تەگەران قالاسىندا كەمىندە ءۇش جارىلىس بولدى.
پرەزيدەنت تاياۋ شىعىستاعى جاعدايعا بايلانىستى ەلىمىزدەگى قاۋىپسىزدىك شارالارىن كۇشەيتۋدى تاپسىردى