دەرەكتەردى وڭدەۋ ورتالىقتارىن دامىتۋ جايى پىسىقتالدى

جيىندا پرەمەر-ءمينيستر­دىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ, «قازاق­­تەلەكوم» اق باسقارما تور­اعاسى باعدات مۋسين جوبا­نىڭ بيىلعى قاڭتار ايىندا پاۆلودار وبلىسى ەكىباستۇز قالاسىندا ىسكە قوسىلعاننان بەرگى اتقارىلعان جۇمىس تۋرالى باياندادى.

ورتالىق ازياداعى ەنەرگە­تي­كالىق الەۋەتى 1 گۆت-قا دەيىن جەتەتىن ەڭ ءىرى كامپۋستى قۇرۋ جونىندەگى ء«دوو القابى» جوباسى بۇگىندە قارقىندى تۇردە جۇزەگە اسىرىلىپ جاتىر. ۇكىمەت ءتيىستى ينفراقۇرىلىمدىق جانە قۇقىقتىق جاعدايلاردى قام­تاماسىز ەتىپ كەلەدى. اتاپ ايت­قاندا, جالپى اۋدانى 1,4 مىڭ گەكتار جەر تەلىمى ءبولىندى. اۋقىمدى جوبانى جۇزەگە اسىرۋ ءۇشىن قوسالقى ستانسا ساتىپ الۋ, سونداي-اق ينۆەستورلار مەن جوباعا قاتىسۋشىلاردى مەم­لە­كەتتىك قولداۋدىڭ قوسىم­شا تەتىك­تەرىن ازىرلەۋ جۇمىسى جۇر­گىزىلىپ جاتىر.

قۇرىلاتىن ينفراقۇرىلىم­نىڭ ماڭىزدى ەلەمەنتى – حالىق­ارالىق سەرىكتەستەردى تارتۋعا ار­نال­عان «Greenfield» ايماعى بول­ماق. سونداي-اق ودان ءارى كەڭەي­تۋگە بولاتىن 100 مۆت-عا دە­يىنگى قۋاتتار دايىندالدى. ينفرا­قۇرىلىم ەنەرگيا تيىمدى­لىگىنىڭ كوەففيتسيەنتى PUE 1.25 بولاتىن «Tier» III حالىقارالىق ستاندارتىنا سايكەستەندىرىلەدى.

تەلەكوممۋنيكاتسيالىق ين­فرا­قۇرىلىم سالاسىنداعى ەڭ ء«ىرى hyperscale» جانە «BigTech» كومپانيالارىنىڭ تالاپتارىن قاناعاتتاندىرۋ ماق­سا­تىندا جەلىلىك كىدىرىس 80-نەن 57 ميلليسەكۋندقا دەيىن تومەن­دەتىلەدى. بۇل – نەگىزگى ەۋروپالىق ترافيك الماسۋ ورتالىقتارىمەن تەڭ دەڭگەي.

بۇدان ءارى ەسەپتەۋ ينفرا­قۇرىلىمىن كەزەڭ-كەزەڭىمەن ۇلعايتۋ, ءاربىرىنىڭ 50 مۆت قۋاتى بار جي-ءدوو-نىڭ ءتورت كەزەڭىن سالۋ كوزدەلگەن. تۇتاستاي العاندا, ء«دوو القابىن» ىسكە قوسۋ ەلدە تسيفرلىق ينفراقۇرىلىم مەن ەسەپتەۋ قۋاتتىلىعىنىڭ وڭىرلىك ورتالىعىن قالىپتاستىرۋعا, 30 ملرد دوللارعا دەيىن ينۆەستيتسيا تارتۋعا, سونداي-اق 500-دەن استام جوعارى بىلىكتى جۇمىس ورىندارىن اشۋعا مۇمكىندىك بەرەدى.

جيىن قورىتىندىسىندا سالالىق مينيسترلىكتەر مەن جاۋاپتى ۇيىمدارعا جۇمىس­تىڭ بارلىق كەزەڭىن ۋاقتىلى جۇزەگە اسىرۋدى قامتاماسىز ەتۋ جانە قاجەتتى نورماتيۆتىك شەشىمدەردى قابىلداۋدى جەدەلدەتۋ تاپسىرىلدى.