قازاقستان حالىق پارتياسى جاڭا كونستيتۋتسيا جوباسىنا قاتىستى ساراپتامالىق تالقىلاۋ وتكىزدى

جاڭا اتا زاڭداعى الەۋمەتتىك قۇقىقتار مەن كەپىلدىكتەر تۋرالى زاڭگەر ازامات رامازان ءسوز قوزعادى. ونىڭ ايتۋىنشا, بۇعان دەيىن شيكىزاتتىق رەسۋرستارعا باعدارلانعان قازاقستاندىق ەكونوميكالىق مودەل ەندى بىلىمگە, ينتەللەكتكە جانە ادامي كاپيتالدى دامىتۋعا باعىتتالعان ۇلگىگە كوشىپ جاتىر. سونداي-اق ازاماتتاردىڭ ەڭبەك ەتۋ قۇقىعىن قورعاۋعا باسىمدىق بەرىلگەنىن اتاپ ءوتتى.

«ەلدىڭ باستى بايلىعى رەتىندە جوعارى زياتكەرلىك جانە كاسىبي دەڭگەيى بار ازاماتتار قاراستىرىلادى», دەدى ازامات رامازان. 

قازاقستان حالىق پارتياسىنىڭ بەلسەندىسى, جوبالىق كومپانيانىڭ جەتەكشىسى نايليا اپپاسوۆا ەكولوگيالىق ادىلەتتىلىك پەن بولاشاق ۇرپاق الدىنداعى جاۋاپكەرشىلىك ماسەلەسىنە نازار اۋداردى. ول قحپ باستاماشى بولعان كونستيتۋتسيا نورماسىن ەسكە سالدى. اتالعان نورماعا سايكەس, جەر قويناۋى, سۋ, پايدالى قازبالار, سونداي-اق وسىمدىكتەر مەن جانۋارلار دۇنيەسى حالىققا تيەسىلى. ال مەملەكەت بۇل رەسۋرستاردى تەك باسقارۋدى جۇزەگە اسىرادى.

«قولايلى قورشاعان ورتاعا قۇقىق ادامنىڭ ءومىرى مەن دەنساۋلىعىنا تىكەلەي اسەر ەتەدى. ياعني ەكولوگيالىق احۋالدى ساقتاۋ الەۋمەتتىك ماسەلەلەرمەن تىكەلەي بايلانىستى», دەپ اتاپ ءوتتى اپپاسوۆا.

ساياساتتانۋشى, «ەۋرازيالىق مونيتورينگ» ورتالىق ازيا زەرتتەۋلەر ينستيتۋتىنىڭ ديرەكتورى الىبەك تاجىباەۆ جاڭا كونستيتۋتسيا جوباسىن جاڭا تسيفرلىق ءداۋىردىڭ قۇجاتى دەپ اتادى. ونىڭ ايتۋىنشا, بۇل قۇجاتتا ادام قۇقىقتارىن قورعاۋ تابيعي ءومىر ءسۇرۋ ورتاسىمەن شەكتەلمەي, تسيفرلىق كەڭىستىككە دە تارالادى.

«كونستيتۋتسياعا تسيفرلىق قۇقىقتاردى ەنگىزۋ قازاقستاننىڭ دامۋىنىڭ جاڭا كەزەڭىنە وتكەنىن عانا كورسەتپەيدى. تسيفرلىق قۇقىقتار – ءبىز ايتىپ جۇرگەن تابيعي نەگىزگى بوستاندىقتاردىڭ جالعاسى», دەدى الىبەك تاجىباەۆ. 

جاڭا كونستيتۋتسيا: اقمولا وبلىسىنىڭ تۇرعىندارى وزدەرىن تولعاندىرعان سۇراقتارىن قويدى

كەزدەسۋدى قورىتىندىلاعان ءىس-شارا مودەراتورى, ساراپشى سۇلتانبەك قۇداباي الەۋمەتتىك ادىلەتتىلىك ادام مەن ازاماتتىڭ ءومىر ءسۇرۋىنىڭ بارلىق سالاسىنا اۋەل باستان تارالۋى ءتيىس ەكەنىن اتاپ ءوتتى.

اقتاۋدا «مۋزارت» توبىنىڭ قاتىسۋىمەن جاڭا كونستيتۋتسيانى قولداۋعا ارنالعان فورۋم ءوتتى