بىلتىر ەل اۋماعىنداعى اۋىلدىق ەلدى مەكەندەر سانى 83-كە قىسقارىپ, 6 مىڭعا دەيىن ازايدى. ۇلتتىق ستاتيستيكا بيۋروسىنىڭ اكىمشىلىك-اۋماقتىق بىرلىكتەر جونىندەگى دەرەكتەرى وسىنى كورسەتەدى. بۇل – ءبىر جىلداعى كورسەتكىش قانا. ال ۇزاق مەرزىمدى ۇردىسكە قاراساق, اۋىلداردىڭ بىرتىندەپ جوعالۋى سوڭعى شيرەك عاسىر بويى توقتاۋسىز جالعاسىپ كەلەدى, دەپ جازادى Egemen.kz.
DATA HUB تەلەگرام ارناسىنىڭ مالىمەتىنشە, سوڭعى 25 جىلدا قازاقستاندا شامامەن 1,8 مىڭ اۋىل ەسەپتەن شىعارىلعان. اسىرەسە سوڭعى ءۇش جىلدا بۇل ۇدەرىس ايقىن جەدەلدەگەن. ماسەلەن, 2020-2022 جىلدارى اۋىلدار سانى 46-عا قىسقارسا, 2023-2025 جىلدارى بىردەن 199 ەلدى مەكەن تاراتىلعان.
2025 جىلعى قىسقارۋدىڭ نەگىزگى ۇلەسى ءبىر-بىرىمەن شەكتەس جاتقان ءۇش سولتۇستىك وڭىرگە تيەسىلى. سولتۇستىك قازاقستان, اقمولا جانە پاۆلودار وبلىستارى جالپى تومەندەۋدىڭ 80 پايىزىن قامتاماسىز ەتكەن. adilet.zan.kz اقپاراتتىق-قۇقىقتىق جۇيەسىندە جاريالانعان قۇجاتتارعا سايكەس, اتالعان وڭىرلەردە 68 اۋىل تاراتىلىپ, تەك ءبىر عانا جاڭا ەلدى مەكەن – اقمولا وبلىسى تسەلينوگراد اۋدانىنداعى نۇرلى اۋىلى قۇرىلعان. بۇل اۋدان ەلورداعا شەكارالاس اۋماقتا ورنالاسقان.
شارۋاشىلىق ىرىلەنبەي, اۋىل كوركەيمەيدى
2021 جىلعى حالىق ساناعى تاراتىلعان 68 اۋىلدا نەبارى 1,5 مىڭ ادام تۇرعانىن كورسەتكەن. بۇل 2009 جىلعى ساناقپەن سالىستىرعاندا 4,4 ەسە از. ەڭ كوپ تۇرعىنى بار ەلدى مەكەن – اقمولا وبلىسىنداعى كراسنوسەلسكوە اۋىلى, وندا 74 ادام عانا تىركەلگەن. ال 62 اۋىلدا تۇرعىندار سانى 50 ادامعا دا جەتپەگەن. پاۆلودار وبلىسىنداعى مالايا پارامونوۆكا اۋىلىندا بىردە-ءبىر تۇرعىن تىركەلمەسە, سولتۇستىك قازاقستان وبلىسىنداعى ميرنوە مەن كالينوۆكا اۋىلدارىندا تيىسىنشە ءبىر جانە ەكى ادام عانا تۇرعان.
ەلدەگى العاشقى اگروتەحنوپارك اۋىل شارۋاشىلىعىنا قانداي پايدا اكەلەدى؟
مۇنداي كورسەتكىشتەر اۋىلداردى تاراتۋعا باستى سەبەپ – تۇرعىندار سانىنىڭ كۇرت ازايۋى ەكەنىن اڭعارتادى. زاڭناماعا سايكەس, ەگەر ەلدى مەكەندە ءۇش جىل قاتارىنان حالىق سانى 50 ادامعا جەتپەسە, ول اۋىل تاراتىلۋعا جاتادى. ادەتتە بۇل ەلدى مەكەندى رەسمي ەسەپتەن شىعارىپ, ونى كورشىلەس ءىرى اۋىلدىڭ قۇرامىنا قوسۋ ارقىلى جۇزەگە اسادى. بۇل رەتتە تۇپكىلىكتى شەشىم جەرگىلىكتى بيلىك تاراپىنان تۇرعىنداردىڭ اشىق جينالىستا بىلدىرگەن پىكىرىن ەسكەرە وتىرىپ قابىلدانۋى ءتيىس.
قاعاز جۇزىندەگى كووپەراتيۆ اۋىلدى قۇتقارا ما؟
ساراپشىلاردىڭ پايىمداۋىنشا, ونداعان اۋىلدىڭ ءبىر جىل ىشىندە تاراتىلۋى – ەلدە تۇرعىندارى ءىس جۇزىندە قالماعان, بىراق ءالى رەسمي تۇردە ەسەپتە تۇرعان ەلدى مەكەندەر از ەمەس ەكەنىن كورسەتەدى. جالپى اۋىل حالقىنىڭ ازايۋى – كوبىنە كوشى-قونعا بايلانىستى قۇبىلىس. بۇل ءۇردىس تەك سولتۇستىك قازاقستان, اقمولا نەمەسە پاۆلودار وبلىستارىمەن شەكتەلمەيدى, ەلدىڭ باسىم بولىگىندە بايقالادى. 2025 جىلدىڭ قورىتىندىسى بويىنشا اۋىل حالقىنىڭ ءوسىمى تەك الماتى, اتىراۋ جانە ماڭعىستاۋ وبلىستارىندا عانا تىركەلگەن.