پەتروپاۆل قالاسىنداعى نازارباەۆ زياتكەرلىك مەكتەبىنىڭ عيماراتىنان قۇلاعان وقۋشىنىڭ قازىرگى جاي-كۇيى تۋرالى سولتۇستىك قازاقستان وبلىستىق دەنساۋلىق ساقتاۋ باسقارماسى رەسمي مالىمەت تاراتتى. دارىگەرلەردىڭ ايتۋىنشا, 18 جاستاعى بوزبالاعا قاجەتتى مەديتسينالىق كومەك تولىق كولەمدە كورسەتىلىپ جاتىر, دەپ جازادى Egemen.kz.
تارازدا وقۋشى قىزدى ۇرلاماق بولعان اعايىندىلار قاماۋعا الىندى
«قازىرگى ۋاقىتتا پاتسيەنت ءتيىستى ەم-دوم قابىلداپ, تولىق تەكسەرۋدەن وتۋدە. ونىڭ دەنساۋلىق جاعدايى تۇراقتى دەپ باعالانادى, جاعدايىنىڭ بىرتىندەپ جاقسارۋى بايقالادى», دەلىنگەن باسقارما حابارلاماسىندا. ەستەرىڭىزگە سالا كەتەيىك, اقپاننىڭ 17-ءسى كۇنى نازارباەۆ زياتكەرلىك مەكتەبىنىڭ وقۋشىسى عيماراتتىڭ ءۇشىنشى قاباتىنان قۇلاپ كەتكەن. وسى وقيعاعا قاتىستى پوليتسيا دەپارتامەنتى قىلمىستىق كودەكستىڭ 105-بابى, ياعني «وزىنە-ءوزى قول جۇمساۋعا يتەرمەلەۋ» دەرەگى بويىنشا سوتقا دەيىنگى تەرگەپ-تەكسەرۋ امالدارىن باستادى. ءبىلىم ورداسىنداعى وقىس جاعدايدىڭ ءمان-جايى قۇزىرلى ورگانداردىڭ باقىلاۋىندا.اتىراۋ وبلىسىندا 10-سىنىپ وقۋشىسىنىڭ ءولىمى تەرگەلىپ جاتىر