ەلىمىزدە وتباسى مەن مەكتەپ اراسىنداعى بايلانىستى نىعايتۋعا باعىتتالعان جۇيەلى جۇمىس جالعاسىپ جاتىر. بيىلعى جىلدىڭ باسىنان بەرى اتا-انالاردى پەداگوگيكالىق قولداۋ ورتالىقتارىندا جاڭارتىلعان 3.0 باعدارلاماسى بويىنشا 86 مىڭنان استام ساباق ۇيىمداستىرىلىپ, 650 مىڭنان استام اتا-انا قامتىلدى. وقىتۋ بالا تاربيەسىن جەتىلدىرۋگە, پسيحولوگيالىق قاۋىپسىزدىكتى قامتاماسىز ەتۋگە جانە مەكتەپ پەن وتباسىنىڭ ءوزارا ءىس-قيمىلىن كۇشەيتۋگە باعىتتالدى, دەپ جازادى Egemen.kz.
ساباق مازمۇنى پەداگوگتەر مەن اتا-انالار قاۋىمداستىعىنىڭ ۇسىنىستارى نەگىزىندە جىل سايىن جەتىلدىرىلەدى. جاڭارتىلعان باعدارلاماعا تاجىريبەگە نەگىزدەلگەن تاقىرىپتار ەنگىزىلىپ, اكەلەردىڭ قاتىسۋىمەن وتەتىن مەكتەپ ءىس-شارالارى قاراستىرىلعان. بۇل – اكە جاۋاپكەرشىلىگىن ارتتىرىپ, وتباسى مۇشەلەرى اراسىنداعى سەنىمدى قارىم-قاتىناستى قالىپتاستىرۋعا ىقپال ەتەتىن ماڭىزدى قادام.
ءۇش نەگىزگى باعىتجاڭارتىلعان 3.0 باعدارلاماسى ءۇش باعىتتى قامتيدى:
اتا-انالاردىڭ ەموتسيالىق تۇراقتىلىعىن جانە وزىنە دەگەن سەنىمىن نىعايتۋ;
بالا ءۇشىن قاۋىپسىز ورتا قالىپتاستىرۋ;
ەرەكشە ءبىلىم بەرۋ قاجەتتىلىكتەرى بار بالالاردى تاربيەلەپ وتىرعان وتباسىلارعا پەداگوگيكالىق قولداۋ كورسەتۋ.
مۇنداي كەشەندى ءتاسىل بالالاردىڭ جاس, پسيحولوگيالىق جانە الەۋمەتتىك ەرەكشەلىكتەرىن ەسكەرىپ, وتباسىمەن جۇيەلى جۇمىس جۇرگىزۋگە مۇمكىندىك بەرەدى.
پەداگوگيكالىق قولداۋ ورتالىقتارىنىڭ كومەگىنە قانشا اتا-انا جۇگىندى؟
كاسىبي قولداۋ جانە ناقتى كەڭەسساباقتاردى ارنايى دايارلىقتان وتكەن پەداگوگتەر مەن پسيحولوگتەر وتكىزەدى. اتا-انالار قاۋىمى – بالا مەن اتا-انا اراسىنداعى ەموتسيالىق بايلانىستى كۇشەيتۋ, سەنىمدى قارىم-قاتىناس ورناتۋ, ءتۇرلى تاۋەكەلدەردىڭ الدىن الۋ باعىتىندا ناقتى كەڭەستەر الادى. اسىرەسە, ەرەسەكتەردىڭ جەكە ۇلگىسى مەن بالالاردىڭ قاۋىپسىزدىگىن قامتاماسىز ەتۋ تاقىرىپتارى اتا-انالار اراسىندا ۇلكەن قىزىعۋشىلىق تۋدىرىپ وتىر.
جۇرگىزىلگەن ساۋالناما اتا-انالاردىڭ تاربيە ىسىنە دەگەن جاۋاپكەرشىلىگى ارتقانىن كورسەتەدى:
73,9% اتا-انا بالاسىمەن كۇن سايىن سويلەسەدى;
89,6%-ى بالاسىنىڭ قيىندىقتارىنا جەدەل ارەكەت ەتەدى;
78%-ى بالاسىنىڭ ارالاساتىن ورتاسىن جاقسى بىلەدى;
ءاربىر ەكىنشى اتا-انا تاربيەلەۋ تاسىلدەرىن قايتا قاراۋعا دايىن;
62%-ى العان ءبىلىمىن كۇندەلىكتى ومىردە قولدانۋدى جوسپارلاپ وتىر.
بۇل كورسەتكىشتەر اتا-انالاردىڭ تاربيەدەگى ءرولىن تەرەڭ تۇسىنە باستاعانىن اڭعارتادى.
ايتا كەتەيىك, اتا-انالاردى پەداگوگيكالىق قولداۋ ورتالىقتارى 2023 جىلدان باستاپ «ادال ازامات» بىرىڭعاي تاربيە باعدارلاماسى اياسىندا ەلىمىزدىڭ بارلىق مەكتەپتەرىندە جۇمىس ىستەيدى. بۇگىندە بۇل ورتالىقتار مەكتەپ پەن وتباسى اراسىنداعى اشىق ديالوگ الاڭىنا اينالىپ, اتا-انالاردى بالا تاربيەسى مەن دامۋىنا ارنالعان پراكتيكالىق قۇرالدارمەن جۇيەلى تۇردە قامتاماسىز ەتىپ كەلەدى.
ءبىر ميلليوننان استام اتا-انا پەداگوگيكالىق قولداۋ ورتالىقتارىنىڭ كومەگىنە جۇگىنگەن