تۇركىستان وبلىسىندا بايدىبەك اۋداندىق ءبىلىم ءبولىمىنىڭ لاۋازىمدى تۇلعالارىنا قاتىستى بيۋدجەت قاراجاتىن جۇيەلى تۇردە جىمقىرۋ فاكتىسى بويىنشا سوت ۇكىمى شىقتى, دەپ جازادى Egemen.kz.
اتالعان ىسكە قاتىستى تەرگەۋدى قارجى مونيتورينگ اگەنتتىگى (قما) تۇركىستان وبلىسى بويىنشا دەپارتامەنتى جۇرگىزگەن.
باسشىلار, بۋحگالتەرلەر جانە ەكونوميستەردى قوسا العاندا 18 لاۋازىمدى تۇلعا جالاقى مەن وزگە دە تولەمدەرگە ارنالعان بيۋدجەتتىك وتىنىمدەردى نەگىزسىز ۇلعايتۋ ارقىلى اۋداننىڭ 49 جالپى ءبىلىم بەرەتىن مەكتەپ قاراجاتىن زاڭسىز يەمدەنۋ سحەماسىن ۇيىمداستىرعان.
600 ملن تەڭگەدەن استام بيۋدجەت قاراجاتىن جىمقىرۋ: ءوڭىر مەديتسيناسىنداعى بىلىقتىڭ بەتى اشىلدى
«بۋحگالتەريا قىزمەتكەرلەرى ەلەكتروندىق جۇيەلەرگە ادەيى جالعان مالىمەتتەر ەنگىزىپ وتىرعان. ەسەپ پاراقتارىنا ءىس جۇزىندە جۇمىس ىستەمەگەن ادامدار ەنگىزىلگەن نەمەسە جالاقى مەن ۇستەمەاقىلاردىڭ كولەمى نەگىزسىز وسىرىلگەن. وپەراتسيالارعا زاڭدى سيپات بەرۋ ءۇشىن قىزمەتتىك جازبالار, بۇيرىقتار, ەسەپ ۆەدوموستارى مەن جۇمىس ۋاقىتى تابەلدەرى سياقتى جالعان قۇجاتتار پايدالانىلعان. قۇجاتتاردىڭ ءبىر بولىگى تولەمدەر جۇرگىزىلگەننەن كەيىن كەرى كۇنمەن راسىمدەلىپ نەمەسە ەسەپتىلىكتى سايكەستەندىرۋ ماقساتىندا تۇزەتىلگەن», دەلىنگەن قما تاراتقان حابارلامادا.
قاراجات جالعان تۇلعالاردىڭ, ونىڭ ىشىندە تۋىستارى مەن تانىستارىنىڭ بانكتىك شوتتارىنا اۋدارىلىپ, كەيىن الدىن الا كەلىسىلگەن ۇلەستەر بويىنشا قاتىسۋشىلار اراسىندا بولىنگەن. زاڭسىز ارەكەت سالدارىنان مەملەكەتكە 583 ملن تەڭگەدەن استام زالال كەلگەن.
تۇركىستاندا بيۋدجەتتىك سۋبسيديانى جىمقىرۋ سحەماسىنا قاتىسقاندار سوتتالدى
«تەرگەۋ بارىسىندا كۇدىكتىلەر كەلتىرىلگەن شىعىندى تولىق وتەدى. سوت 14 ادامدى 3 جىلدان 7 جىلعا دەيىن باس بوستاندىعىنان ايىرۋ جازاسىنا كەستى. تاعى 4 ادامعا قاتىستى ءىس راقىمشىلىققا بايلانىستى توقتاتىلدى», دەلىنگەن حابارلامادا.
ەلىمىزدەگى ۋنيۆەرسيتەتتەردىڭ بىرىندە ميلليونداعان قارجى جىمقىرۋ فاكتىسى انىقتالدى
ۇكىم زاڭدى كۇشىنە ەندى.