قوستاناي. 25 اقپان. قوستاناي وبلىسى توتەنشە جاعدايلار دەپارتامەنتى قىزمەتكەرلەرى «ۇيدە جالعىز قالۋ: پاتەر قاۋىپ قاينار-كوزى» تاقىرىبىنا ينتەراكتيۆتى ساباق وتكىزدى. ساباقتا م. گوركي اتىنداعى گيمنازيانىڭ 5-6 سىنىپتارىنىڭ وقۋشىلارى قاتىستى. ون-لاين جۇيەسىندە وتكەن بۇل س اباقتى وبلىستا 50 مەكتەپتىڭ وقۋشىلارى قارادى. بۇل تۋرالى egemen.kz ءتىلشىسى حابارلادى.
«ءوز ءۇيىم – ولەڭ توسەگىم» دەيدى قازاق. بىراق تۇرمىستا قازىرگى زامانعى ەلەكتر قۇرىلعىلارىن, گاز پليتالارىن, قۇرىلعىلار مەن جىلىتۋ جۇيەلەرىن پايدالانۋ كەزىندە عيماراتتىڭ تەحنيكالىق قاۋىپسىزدىگىن بىلمەسە, ادامنىڭ ءوز ءۇيى وزىنە باقىتسىزدىق اكەلەرى ابدەن ىقتيمال. تۇرمىستا ءورت قاۋىپسىزدىك ەرەجەسى مەن ۇيدە (پاتەردە) گازدان اباي بولۋ جونىندە دەپارتامەنتتىڭ باسقارماسى باس مامانى, ورتكە قارسى قىزمەت مايورى سارسەنباي حاسەنوۆ بالالارعا ايتىپ ءوتتى.
پودەزد ەسىگىنەن پاتەرگە دەيىن, شىعۋ جولىندا كەلەڭسىز جاعداي تۋىنداسا تانىمايتىن ادامدى كەزىكتىرسەڭىز ءوزىندى-ءوزى قالاي ۇستاۋ كەرەكتىگى تۋرالى قوستاناي قالاسىنداعى تج باسقارماسىنىڭ ينجەنەرى, ورتكە قارسى قىزمەت اعا لەيتەنانتى اسحات بادەنوۆ وقۋشىلارعا اڭگىمەلەپ بەردى.
اپاتتىق مەديتسينا ورتالىعىنىڭ دارىگەرى ايگۇل بازاروۆا گازبەن ۋلانۋ كەزىندە نە ىستەۋ كەرىكتىگىن ءتۇسىندىردى. ساباققا قاتىسۋشىلارعا تاقىرىپتىڭ بارلىعىن ەكران ارقىلى بەينەلى باياندالدى. «چات» فورماتى بويىنشا كەلىپ تۇسكەن سۇراقتارعا جان-جاقتى جاۋاپ بەرىلدى. ساباق قورىتىندىسى بويىنشا بالالارعا «ءبىزدىڭ مىندەت – ءسىزدىڭ ومىرلەرىڭىزدى قۇتقارۋ!» بەينەماتەريال كورسەتىلدى.
ينتەراكتيۆتى ساباقتىڭ مىندەتى بالالاردىڭ وتتان اباي بولۋىن, توتەنشە جاعداي تۋىنداعان جاعدايدا ءوزىن دۇرىس ۇستاۋ جانە تۇرمىستىق قۇرالداردى قاۋىپسىز قولدانۋىن ۇيرەتۋ بولاتىن.
ءنازيرا جارىمبەتوۆا.
دەرەك, سۋرەت: egemen.kz.