مەملەكەت باسشىسى سامميتكە قاتىسۋشىلارعا ءىلتيپات ءبىلدىرىپ, وسى تاريحي ءىس-شارانى ۇيىمداستىرعانى ءۇشىن اقش پرەزيدەنتى دونالد ترامپقا العىس ايتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ بەيبىتشىلىك كەڭەسى كوپجاقتى كۇش-جىگەردىڭ الەۋەتىن ارتتىراتىن, زامان تالابىنا ساي ۇيىم دەپ سانايدى.
«الەمدە مۇنداي باستاما كوتەرىلگەن جوق. راسىندا, بۇل بۇرىن-سوڭدى بولماعان بەتبۇرىس. ويتكەنى بىرگە كۇش-جىگەر جۇمىلدىرۋدىڭ ارقاسىندا «جاسامپازدىق ارقىلى بەيبىتشىلىك» اتتى جاڭاشىل تۇجىرىمدامانى نەمەسە جوبانى ىسكە اسىرۋعا بارلىق مۇمكىندىك بار. سوندىقتان, پرەزيدەنت مىرزا, ءسىزدىڭ ناقتى ءىس-ارەكەت قانا بەيبىتشىلىككە بەرىك نەگىز قالايدى دەگەن ۇستانىمىڭىزدى تولىق قۇپتايمىن», دەدى مەملەكەت باسشىسى. ايتا كەتەيىك, مەملەكەت باسشىسى قاسىم-جومارت توقاەۆ اقش پرەزيدەنتى دونالد ترامپتىڭ شاقىرۋىمەن بەيبىتشىلىك كەڭەسىنىڭ العاشقى وتىرىسىنا قاتىسۋ ۇشىن ۆاشينگتونعا جۇمىس ساپارىمەن باردى.