رامازان ايى كەلگەن كەزدە اللەرگياسى بار ادامدار اجەپتاۋىر ابىگەرگە تۇسەدى. ءدارىسىن قابىلداماسا مازاسى قاشىپ, دەنساۋلىعى بولمايدى. قابىلداسا ورازاسى بۇزىلادى. نە ىستەمەك كەرەك؟ ءمۇفتيات جاۋاپ بەردى, دەپ جازادى Egemen.kz
اللەرگولوگ ماماندار اللەرگيانىڭ كوپتەگەن تۇرلەرى بارىن ايتادى. ەمدەلۋ تاسىلدەرىنىڭ دەنى اۋىز-مۇرىن قۋىسى ارقىلى وتەتىندىكتەن, ءدىني باسقارما بۇل نارسەلەردىڭ ورازانى بۇزاتىنىن ايتادى.
سوندىقتان اللەرگياسى بار ادامدار مىنالاردى ەسكەرگەنى ءجون دەيدى: ورازا ۇستايتىن ۋاقىتتان بۇرىن, الدىن الا ورازاعا دايىندالىپ, ەم شارالارىن جاساپ, اللەرگياسىنىڭ اسىرەسە رامازان ايىندا بولدىرماۋ جولدارىن قاراستىرعانى ابزال. اللەرگولوگ ماماندار كىسى اللەرگيادان تولىق جازىلىپ كەتە الماسا دا, ەم الۋ ارقىلى كەي تۇرلەرىن ۋاقىتشا توقتاتۋعا بولاتىنىن ايتادى; رامازان ايى كەلگەندە اللەرگياسى سەبەپتى ورازا ۇستاۋىنا قيىندىق تۋسا, اۋزىن اشپاي, ورازا بۇزىلمايتىن تاسىلدەرمەن ەمدەلۋدى امالداپ كورگەنى ابزال. اللەرگياسىنا الاتىن ەمدەرىن بارىنشا اۋىز بەكىتكەنگە دەيىنگى جانە اۋىز اشقاننان كەيىنگى ۋاقىتقا قالدىرۋ. مۇمكىن بولماعان جاعدايدا دارىلەردىڭ تاماققا كەتىپ قالمايتىن جولدارىن قاراستىرۋ. ەگەر ۋكول سىندى ەكپەلەرمەن ەمدەلەر بولسا, ادامعا كۇش-قۋات, ءنار بەرمەيتىندىگىنە دارىگەرلەردىڭ نۇسقاۋىمەن كوز جەتكىزۋ. ورازانى بۇزبايتىن ەمدىك امال تابىلماعان جاعدايدا, اللەرگياسى قوزبايتىن ۋاقىتتا قازاسىن وتەپ بەرۋ نيەتىمەن ورازا ۇستاماۋىنا بولادى. جازىلعاننان كەيىن قازاسىن وتەيدى.تاعى ءبىر ماڭىزدى جايت. اللەرگيانىڭ ورازاعا ءتان تۇستارىنىڭ ءبىرى – تىنىس الۋ جولدارى بىتەلگەندە مۇرىن مەن تاماق ارقىلى دەمىكپەسىنە تامىزعى نەمەسە سپرەي شاشۋ ارقىلى ەمدەلۋ. حانافي مەكتەبىنىڭ شارتىندا: «تامىزىلعان ءدارى ىشكە كەتپەي, مۇرىندا تۇراقتاپ قالاتىن بولسا, ورازانى بۇزبايدى» دەلىنگەن. سوندىقتان ءمۇفتياتتىڭ ءپاتۋا ءبولىمى بارىنشا ساقتىق جاساپ وتە از مولشەردە تامىزعان ءجون دەپ سانايدى. بايقاۋسىزدا تاماققا كەتىپ قالاتىن بولسا, رامازاننان كەيىن ءبىر كۇن قازاسىن وتەيدى.
بالالارعا ورازا ۇستاۋعا بولا ما؟
تاماققا نە مۇرىنعا تامىزعى كەتىپ قالۋ قاۋپى بولعاندىقتان مۇرىنعا يىسكەيتىن نەمەسە مۇرىن مەن تاماققا سپرەي سىندى شاشاتىن ءتۇرىن ازداپ قولدانۋعا بولادى.
2026 جىلعى ورازا كەستەسى جاريالاندى
اللەرگيانىڭ نەدەن پايدا بولاتىنى جونىندە جانە ەمدەلۋدىڭ ءادىس-تاسىلدەرۋى تۋرالى دارىگەردىڭ پىكىرىن وقي وتىرىڭىز.