استانا. 25 اقپان. اتىراۋ وبلىسىنىڭ دوسسور كەنتىندە التى بالانىڭ اناسى اسىلىپ ءولدى. بۇل تۋرالى جەرگىلىكتى «اق جايىق» باسىلىمى حابارلادى.
قايعىلى وقيعا اقپاننىڭ 19-ى كۇنى ورىن العان. الايدا, ونىڭ جايى ەندى عانا بەلگىلى بولىپ وتىر.
جۇرت 38 جاستاعى ايەلدىڭ ءوز ءۇيىنىڭ اۋلاسىندا اسىلىپ تۇرعان جەرىنەن كورگەن. ول ولەر الدىندا جاستارى 4-تەن 14-كە دەيىن بالالارىنان كەشىرىم سۇراپ, كۇيەۋىنەن ولارعا دۇرىس قاراۋدى سۇراعان حات قالدىرىپ كەتىپتى.
ماقات اۋدانى پروكۋرورىنىڭ ورىنباسارى دوسبول باعيتجانوۆتىڭ ايتۋىنشا, دەرەككە ساي «ءوزىن ءوزى ءولتىرۋ» بابىمەن قىلمىستىق ءىس قوزعالعان.
تەرگەۋ امالدارى ءجۇرىپ جاتىر.
قۇرىش نۇرىمبەت.