استانا. 25 اقپان. چەحيانىڭ شىعىسىنداعى ۋگەرسكي-برود قالاسىندا بەلگىسىز بىرەۋ رەستوراندا كەلۋشىلەرگە قاراي وق جاۋدىردى. وسى اتىستا 8 ادام قۇربان بولدى. اتۋشىنىڭ ءوزى دە قازا تاپقان. بۇل تۋرالى «فرانس پرەسس» حابارلادى.
الدىن الا اقپار بويىنشا, قاسكۇيدىڭ ءوزىن پوليتسيا قىزمەتكەرى اتىپ تۇسىرگەن.
Radio Praha قاندى وقيعانىڭ Družba پابىندا (سىراحانا) ورىن العانىن ءمالىم ەتتى. كورگەندەردىڭ ايتۋلارىنشا, وق اتقان ادامنىڭ جاسى 60-تار شامسىندا بولعان. اتىس باستالعان كەزدە مەكەمە زالىندا 20-25 ادام وتىرعان.
وق اتۋشىلىقتىڭ سەبەبى انىقتالعان جوق. Reuters اگەنتتىگى وق جاۋدىرعان كىسىنىڭ پسيحيكاسىندا اۋىتقۋشىلىق بار ەكەنىن باياندايدى.
قۇرىش نۇرىمبەت.