سينوپتيكتەر 31 قاڭتاردا قازاقستاننىڭ 16 وبلىسىندا داۋىلدى ەسكەرتۋ جاريالادى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
31 قاڭتاردا تۇركىستان وبلىسىنىڭ باتىسىندا, وڭتۇستىگىندە جانە تاۋلى اۋداندارىندا جاۋىن-شاشىن (جاڭبىر, قار) كۇتىلەدى. كوكتايعاق, جاياۋ بۇرقاسىن, تۇمان بولجانادى. وبلىستىڭ تاۋلى ايماقتارىندا جاۋىن-شاشىن مول تۇسەدى. سولتۇستىك-شىعىستان سوعاتىن جەلدىڭ جىلدامدىعى تاۋلى اۋدانداردا سەكۋندىنا 15-20 مەترگە دەيىن جەتەدى.
قاراعاندى وبلىسىنىڭ باتىسىندا, سولتۇستىگىندە جانە شىعىسىندا تۇمان كۇتىلەدى.
ۇلىتاۋ وبلىسىنىڭ سولتۇستىگىندە, شىعىسىندا جانە ورتالىعىندا تۇمان بولادى.
جامبىل وبلىسىنىڭ تاۋلى اۋداندارىندا قار جاۋىپ, جاياۋ بۇرقاسىن كۇتىلەدى. كەي ۋاقىتتا تۇمان ءتۇسىپ, كوكتايعاق بولادى. تاۋلى اۋدانداردا سولتۇستىك-شىعىس جەلى سەكۋندىنا 15-20 مەترگە دەيىن كۇشەيەدى.
باتىس قازاقستان وبلىسىنىڭ باتىسى مەن سولتۇستىگىندە ازداعان قار جاۋىپ, جاياۋ بۇرقاسىن بولادى. سول اۋدانداردا تۇمان مەن كوكتايعاق كۇتىلەدى. وڭتۇستىك جانە وڭتۇستىك-شىعىستان سوعاتىن جەلدىڭ ەكپىنى كۇندىز وبلىستىڭ باتىسىندا, سولتۇستىگىندە جانە وڭتۇستىگىندە سەكۋندىنا 15-20 مەترگە دەيىن جەتەدى.
پاۆلودار وبلىسىنىڭ وڭتۇستىگى مەن شىعىسىندا تۇمان كۇتىلەدى.
شىعىس قازاقستان وبلىسىنىڭ سولتۇستىگىندە, شىعىسىندا جانە ورتالىعىندا تۇمان بولادى. وبلىستىڭ وڭتۇستىك-شىعىسىندا كۇندىز شىعىس جانە وڭتۇستىك-شىعىس جەلىنىڭ جىلدامدىعى سەكۋندىنا 15-18 مەترگە دەيىن جەتەدى.
اباي وبلىسىنىڭ سولتۇستىگىندە, شىعىسىندا جانە وڭتۇستىگىندە تۇمان كۇتىلەدى. وبلىستىڭ وڭتۇستىگى مەن ورتالىعىندا شىعىس جانە وڭتۇستىك-شىعىس جەلى سەكۋندىنا 15-20 مەترگە دەيىن كۇشەيىپ, كۇندىز ەكپىنى سەكۋندىنا 23 مەترگە دەيىن جەتەدى.
اتىراۋ وبلىسىنىڭ باتىسىندا ازداعان قار جاۋىپ, جاياۋ بۇرقاسىن بولادى. وبلىستىڭ باتىسىندا, سولتۇستىگىندە جانە وڭتۇستىگىندە تۇمان كۇتىلەدى. وڭتۇستىك-شىعىستان سوعاتىن جەلدىڭ ەكپىنى وبلىستىڭ باتىسى مەن وڭتۇستىگىندە سەكۋندىنا 15-20 مەترگە دەيىن جەتەدى.
ماڭعىستاۋ وبلىسىنىڭ سولتۇستىك-شىعىسىندا جانە ورتالىعىندا تۇمان كۇتىلەدى.
سولتۇستىك قازاقستان وبلىسىنىڭ باتىسى مەن سولتۇستىگىندە ازداعان قار جاۋىپ, جاياۋ بۇرقاسىن بولادى. وبلىستىڭ وڭتۇستىگىندە تۇمان كۇتىلەدى. وڭتۇستىك-باتىستان سوعاتىن جەلدىڭ ەكپىنى وبلىستىڭ باتىسىندا, سولتۇستىگىندە جانە وڭتۇستىگىندە سەكۋندىنا 15-20 مەترگە دەيىن جەتەدى.
قىزىلوردا وبلىسىندا تۇمان مەن كوكتايعاق كۇتىلەدى. تۇندە وبلىستىڭ سولتۇستىگىندە شىعىس جانە سولتۇستىك-شىعىس جەلىنىڭ جىلدامدىعى سەكۋندىنا 15-20 مەترگە دەيىن جەتەدى.
قوستاناي وبلىسىنىڭ سولتۇستىگىندە تاڭەرتەڭ جانە كۇندىز ازداعان قار جاۋىپ, جاياۋ بۇرقاسىن بولادى. وبلىستىڭ باتىسىندا, شىعىسىندا جانە وڭتۇستىگىندە تۇمان كۇتىلەدى.
اقمولا وبلىسىنىڭ شىعىسى مەن وڭتۇستىگىندە تۇمان بولادى. وبلىستىڭ سولتۇستىگىندە وڭتۇستىك-باتىس جانە وڭتۇستىك-شىعىستان سوعاتىن جەلدىڭ ەكپىنى سەكۋندىنا 15-20 مەترگە دەيىن جەتەدى.
اقتوبە وبلىسىنىڭ سولتۇستىك-شىعىسى مەن شىعىسىندا تۇمان كۇتىلەدى.
جەتىسۋ وبلىسىنىڭ سولتۇستىگىندە, شىعىسىندا, ورتالىعىندا جانە تاۋلى اۋداندارىندا تۇمان بولادى. الاكول كولدەرى ماڭىندا سولتۇستىك-شىعىستان سوعاتىن جەلدىڭ ەكپىنى سەكۋندىنا 15-20 مەترگە دەيىن, كەي ۋاقىتتا سەكۋندىنا 23-28 مەترگە دەيىن كۇشەيەدى.