ءىىم ۇلتتىق ۇلانىنىڭ باس قولباسشىلىعىندا «انالار جۇرەگى» ساربازدار انالارى كوميتەتى» رەسپۋبليكالىق قوعامدىق بىرلەستىگى مەن ۇلتتىق ۇلان اراسىندا ىنتىماقتاستىق تۋرالى مەموراندۋمعا قول قويىلدى, دەپ حابارلايدى Egemen.kz.
ءىس-شاراعا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-مايور اڭساعان بالتابەكوۆ, «انالار جۇرەگى» ساربازدار انالارى كوميتەتى» رقب جەتەكشىسى ليليا حايرۋللينا, باس قولباسشىلىقتىڭ وفيتسەرلەرى, سونداي-اق قوعامدىق بىرلەستىك وكىلدەرى قاتىستى.
قۇجات مەرزىمدى اسكەري قىزمەتتەگى ساربازداردىڭ قۇقىقتارى مەن زاڭدى مۇددەلەرىن قورعاۋ ماسەلەلەرى بويىنشا ءوزارا ءىس-قيمىلدى ودان ءارى دامىتۋعا, ازاماتتىق قوعام ينستيتۋتتارى مەن قۇقىقتىق ءتارتىپ اسكەرلەرى اراسىنداعى سەنىمدى نىعايتۋعا, سونداي-اق اسكەري قىزمەت وتكەرۋ ءۇشىن قولايلى جاعدايلار جاساۋعا باعىتتالعان.
ءورت كەزىندە ەرلىك تانىتقان جىگىت ۇلتتىق ۇلان قاتارىنا قوسىلدى
گەنەرال-مايور اڭساعان بالتابەكوۆ ءوز سوزىندە ۇلتتىق ۇلاننىڭ قوعامدىق ۇيىمدارمەن كوپ جىلدان بەرى جۇيەلى ءارى ناتيجەلى ءوزارا ءىس-قيمىل ورناتىپ كەلە جاتقانىن اتاپ ءوتىپ, ساربازدار انالارى كوميتەتىمەن ىنتىماقتاستىقتى قوعامدىق باقىلاۋدى قامتاماسىز ەتۋدىڭ جانە جەكە قۇرامنىڭ مورالدىق-پسيحولوگيالىق احۋالىن قولداۋدىڭ ماڭىزدى تەتىگى رەتىندە باعالادى.
ءوز كەزەگىندە رقب جەتەكشىسى ليليا حايرۋللينا قول جەتكىزىلگەن كەلىسىمدەردىڭ ماڭىزدىلىعىنا توقتالدى:
ء«بىز ءۇشىن بۇل مەموراندۋم – ناقتى ءوزارا ءىس-قيمىل قۇرالى. ۇلتتىق ۇلانمەن بىرلەسكەن جۇمىس اتا-انالاردىڭ وتىنىشتەرىنە جەدەل دەن قويۋعا, ساربازدارعا قولداۋ كورسەتۋگە جانە اسكەري قىزمەت بارىسىندا قاۋىپسىز ءارى سىيلاستىققا نەگىزدەلگەن ورتا قالىپتاستىرۋعا مۇمكىندىك بەرەدى», دەدى ليليا يۋرەۆنا.ايتا كەتەيىك, 2025 جىلى تاراپتار 100-دەن استام بىرلەسكەن ءىس-شارا وتكىزدى. كوميتەت وتىنىشتەرى نەگىزىندە كازارمالار, اسحانالار مەن مونشا-جۋىنۋ نىساندارىنا بىرلەسكەن كوميسسيالىق تەكسەرۋلەر ۇيىمداستىرىلىپ, مەديتسينالىق جانە ماتەريالدىق قامتاماسىز ەتۋ, سونداي-اق جەكە قۇرامنىڭ تاماقتانۋىن ۇيىمداستىرۋ ماسەلەلەرى قارالدى.
ءماجىلىس دەپۋتاتتارى ۇلتتىق ۇلان ساربازدارىمەن كەزدەستى
سونىمەن قاتار جىل باسىنان بەرى ۇلتتىق ۇلاننىڭ اسكەري بولىمدەرىندە كوميتەت وكىلدەرى, اسكەري پروكۋراتۋرا جانە جەرگىلىكتى اتقارۋشى ورگانداردىڭ قاتىسۋىمەن «اسكەر انالار كوزىمەن» اكتسياسى جۇزەگە اسىرىلىپ جاتىر.
تاراپتار مەموراندۋم ەرەجەلەرىن ىسكە اسىرۋ اسكەري قىزمەتشىلەردىڭ الەۋمەتتىك قورعالۋ دەڭگەيىن ارتتىرۋعا جانە ءوزارا سەنىم مەن جاۋاپكەرشىلىك مادەنيەتىن نىعايتۋعا ىقپال ەتەتىنىنە سەنىم ءبىلدىردى.