وسى كۇنى ەڭ كوپ تاراعان سپورت ءتۇرىنىڭ بىرەگەيى – فۋتبول. دوپ دوداسىنداعى ءبىر ساتتىك سەرپىلىستىڭ ءوزى تاريحتا قالاتىن كەزدەر بولادى. سونىڭ ايقىن دالەلى – 2015 جىلعى 22 قىركۇيەكتە بولعان ويىن.
سول كۇنى گەرمانيانىڭ باستى فۋتبول بىرىنشىلىگىندە, ياعني بۋندەسليگادا «باۆاريا» ءوز الاڭىندا «ۆولفسبۋرگتى» قابىلدادى. العاشقى تايمدا قوناقتار ەسەپ اشىپ, «باۆاريا» جانكۇيەرلەرىن الاڭداتقانداي بولعان. بىراق ەكىنشى تايم باستالعاندا الاڭعا شىققان روبەرت لەۆاندوۆسكي ءبارىن تاڭعالدىردى. پولياك شابۋىلشىسى 51-مينۋتتان 60-مينۋتقا دەيىنگى ارالىقتا, ياعني نەبارى توعىز مينۋتقا جەتپەيتىن ۋاقىتتا قارسىلاس قاقپاسىنا 5 گول سوقتى. ءبىر ويىننىڭ ىشىندە مۇنداي كورسەتكىشتىڭ ءوزى سيرەك, ال ونى قىسقا ۋاقىتتا قايتالاۋ ءتىپتى عاجاپ. ناتيجەسىندە, ماتچ 5:1 ەسەبىمەن اياقتالىپ, لەۆاندوۆسكيدىڭ بۇل رەكوردى بۋندەسليگا تاريحىنداعى ەڭ ەستە قالار ساتتەردىڭ بىرىنە اينالدى.