ساقتاعان بايىشەۆ اتىنداعى اقتوبە وبلىستىق كىتاپحاناسىندا جازۋشى, «الاش» ادەبي سىيلىعىنىڭ يەگەرى, ء«بيبى-انا» قايىرىمدىلىق قورىنىڭ پرەزيدەنتى بيبىگۇل يمانعازينانىڭ ء«بيبى-سانا» كىتابىنىڭ تانىستىرىلىمى ءوتتى, دەپ حابارلايدى Egemen.kz.
اۆتور جاڭا كىتابىندا الەۋمەتتىك تاقىرىپتى بارىنشا قوزعايدى. نەگىزگى يدەياسى – ارلى پەن ارسىزدىقتىڭ تايتالاسى. ومىردەگى سان ءتۇرلى جاعدايلارعا تاپ بولعان كەيىپكەرلەرى ارقىلى ادالدىق پەن ادامگەرشىلىك, ىنساپ پەن مەيىرىم, اشكوزدىك پەن تويىمسىزدىق, كۇنشىلدىك پەن قىزعانىش سياقتى ادامي مىنەزدەردى بارىنشا كورسەتۋگە ۇمتىلعان.
قازاق جازۋشىسى نوبەل يەگەرى مو يانعا «اباي» كىتابىن سىيلادى
وبلىستىق مادەنيەت, ارحيۆتەر جانە قۇجاتتاما باسقارماسىنىڭ باسشىسى التىناي يۋنيسقىزى مۇگەدەكتىك ارباسىنا تاڭىلسا دا, سانالى عۇمىرىن تاعدىردان تاياق جەگەن انالاردى قورعاۋعا ارناعان بيبىگۇل يمانعازينانىڭ قوعامداعى ەرەن ەڭبەگىن اتاپ ءوتتى. مىنەزدى دە, قايسار انا قالامىمەن دە قىزمەت ەتىپ كەلەدى: جاقسىلىقتى ناسيحاتتايدى, ادامداردى جاماندىقتان قاشىق بولۋعا شاقىرادى.
ء«بىر ەل – ءبىر كىتاپ» اكتسياسى: بيىل قانداي شىعارمالار داۋىس بەرۋگە ۇسىنىلدى؟
اقىن, جازۋشىلار وداعىنىڭ اقتوبە فيليالىنىڭ جەتەكشىسى باۋىرجان قۇرمانقۇلوۆ ء«بيبى-سانا» رومانىندا يمان, وبال, ساۋاپ, ۇيات سەكىلدى ادامي قاسيەتتەردىڭ ماڭىزى اشىپ كورسەتىلگەنى تۋرالى تارقاتسا, جانعابىل قاباقباەۆ روماننىڭ قاراپايىم دا تۇسىنىكتى ءتىلى, ەرەكشە ءسوز قولدانىستارى تۋرالى ايتتى. وسى جاقتا تۇراتىن تۋىس ىنىلەرى مۇراتباي قابيەۆ پەن كەنجەباي سۇيەۋماعانبەتوۆ جازۋشىمەن بىرگە وتكىزگەن بالالىق شاقتارى تۋرالى باياندادى.
«قازاقتىڭ شەشەندىك ونەرى» كىتابىنىڭ تۇساۋى كەسىلدى
وبلىستىق كىتاپحانا جانىنان قۇرىلعان «ۇركەر» شىعارماشىلىق ۇيىرمەسىنىڭ مۇشەسى, جاس اقىن قىزعالداق الپىسباەۆا اقىن يران-عايىپتىڭ قالامگەرگە ارناعان ء«بيبى-انا» ولەڭىن وقىدى. كەزدەسۋ سوڭىندا «جاقسىلىقتىڭ جارشىسىنداي ءبيبى-انا» كىتاپ كورمەسىنە بيبليوگرافيالىق شولۋ جاسالدى.
اقتوبە وبلىسى