«قولجەتىمدى ينتەرنەت» ۇلتتىق جوباسى شەڭبەرىندە سپۋتنيكتىك تەحنولوگيالاردى پايدالانۋ ارقىلى 504 اۋىلدىق ەلدى مەكەن ينتەرنەت جەلىسىنە قوسىلدى. جوبانى – جاساندى ينتەللەكت جانە تسيفرلىق دامۋ مينيسترلىگى جۇزەگە اسىردى, دەپ حابارلايدى Egemen.kz.
جوبانىڭ باستى ماقساتتارىنىڭ ءبىرى – تالشىقتى-وپتيكالىق بايلانىس جەلىلەرىن تارتۋ نەمەسە ۇيالى بايلانىس بازالىق ستانتسيالارىن ورناتۋ مۇمكىن ەمەس شالعاي ءارى تۇرعىندارى از ەلدى مەكەندەردى ينتەرنەتپەن قامتاماسىز ەتۋ. مۇنداي اۋىلداردا تۇراقتى ءارى جوعارى جىلدامدىقتاعى ينتەرنەتكە قول جەتكىزۋ ءۇشىن سپۋتنيكتىك بايلانىس جۇيەلەرى قولدانىلدى.
بيىل 1900 ەلدى مەكەنگە جوعارى جىلدامدىقتى ينتەرنەت قوسىلادى
2023 جىلدان باستاپ KazSat سپۋتنيكتەرى ارقىلى 176 اۋىلدىق ەلدىمەكەن ينتەرنەتكە قوسىلعان. قالعان 328 اۋىلدىق ەلدى مەكەن بەيگەوستاتسيونارلىق سپۋتنيكتىك جۇيەلەر (نگسو) نەگىزىندە OneWeb تەحنولوگياسى ارقىلى, Jusan Mobile وپەراتورىنىڭ قاتىسۋىمەن ينتەرنەتكە قوسىلدى. وسىلايشا, جوبادا كوزدەلگەن بارلىق 504 اۋىلدىق ەلدىمەكەن سپۋتنيكتىك ينتەرنەتپەن تولىق قامتىلدى.
پويىزدار مەن ۇشاقتاردا Starlink دەڭگەيىندەگى ينتەرنەت پايدا بولادى
اتالعان مينيسترلىكتىڭ مالىمەتىنشە, جوبانىڭ ىسكە اسىرىلۋى – اۋىل تۇرعىندارىنا ونلاين ءبىلىم الۋ, ەلەكتروندىق مەملەكەتتىك قىزمەتتەردى پايدالانۋ, تەلەمەديتسيناعا قول جەتكىزۋ جانە جاقىندارىمەن تۇراقتى بايلانىس ورناتۋ سياقتى زاماناۋي تسيفرلىق مۇمكىندىكتەردى اشتى. بۇل ەلدى مەكەندەردەگى ءومىر ساپاسىن ارتتىرۋعا جانە قالا مەن اۋىل اراسىنداعى تسيفرلىق الشاقتىقتى ازايتۋعا مۇمكىندىك بەرەدى.
40 مىڭ شاقىرىمنان استام تاسجولدا ينتەرنەت پايدا بولادى