داۆوستا ءوتىپ جاتقان دۇنيەجۇزىلىك ەكونوميكالىق فورۋمدا ۋكراينا تاقىرىبى دونالد ترامپتىڭ گرەنلاندياعا قاتىستى تالاپتارىنا بايلانىستى ەكىنشى ورىنعا ىسىرىلدى, دەپ جازادى Egemen.kz.
بۇدان بىرنەشە كۇن بۇرىن ەۋروپالىق وداق كوشباسشىلارى ترامپتى سوعىستان كەيىنگى ۋكرايناعا قاۋىپسىزدىك كەپىلدىكتەرىن بەرۋگە كوندىرۋدى جوسپارلاعان ەدى. الايدا قازىر ولار «ونىڭ ۋادەلەرىنە سەنۋگە بولا ما؟» دەگەن كۇمانعا كەلىپ, كۇن ءتارتىبىن شۇعىل تۇردە قايتا قاراپ جاتىر.
ۋكراينا بويىنشا بەيبىت كەلىسىم: زەلەنسكي ترامپپەن فلوريدادا كەزدەسەدى
بۇعان ترامپتىڭ دانيانى قولداپ, ونىڭ گرەنلاندياعا قاتىستى جوسپارلارىنا قارسى شىققان ەو ەلدەرىنە باج سالىعىن ەنگىزەمىن دەگەن قوقان-لوقىسى سەبەپ بولعان. بريۋسسەلدە جاۋاپ رەتىندە قارسى تاريفتەر ەنگىزۋ جانە امەريكالىق كومپانيالاردىڭ ەو نارىعىنا قولجەتىمدىلىگىن شەكتەۋ ماسەلەلەرى تالقىلانىپ جاتىر. دەگەنمەن ازىرگە داعدارىستى ديپلوماتيالىق جولمەن شەشۋگە ءۇمىت بار.
رەسەي ءۇش جىلدا ۋكراينا اۋماعىنىڭ قانشا بولىگىن باسىپ الدى؟
بۇگىن داۆوستا وتەتىن ۇلتتىق قاۋىپسىزدىك جونىندەگى كەڭەسشىلەردىڭ كەزدەسۋى ۋكراينا ەمەس, گرەنلانديا تاقىرىبىنا ارنالادى. ال بەيسەنبى كۇنى وسى ماسەلەگە بايلانىستى ەۋروپالىق وداقتىڭ شۇعىل ءسامميتى وتەدى.
«مۇنداي اداممەن ۋكرايناعا قاۋىپسىزدىك كەپىلدىكتەرى تۋرالى قالاي كەلىسسوز جۇرگىزۋگە بولادى؟ وعان سەنۋ مۇمكىن ەمەس», دەدى ەۋروپالىق ديپلوماتتار.
ايتا كەتەيىك, فورۋم 19-23 قاڭتار ارالىعىندا وتەدى.
زەلەنسكي ترامپپەن ۋكراينا مەن اقش اراسىنداعى ەركىن ساۋدا تۋرالى كەلىسىمدى تالقىلادى