مولدوۆا پرەزيدەنتى مايا ساندۋ ەلىن رۋمىنيامەن بىرىكتىرۋ جونىندە رەفەرەندۋم وتسە, ءوزى ء«يا» دەپ داۋىس بەرەتىنىن مالىمدەدى. بۇل تۋرالى ول بريتان جۋرناليستەرىمەن پودكاستتا ايتتى, دەپ جازادى Egemen.kz.
ساندۋدىڭ ايتۋىنشا, 1980 جىلداردىڭ سوڭىندا مولدوۆادا ۇلتتىق جاڭعىرۋ قوزعالىسى كۇشەيىپ, رۋمىنيامەن قايتا قوسىلۋ جايى ءجيى تالقىلانعان. سەبەبى مولدوۆا بۇعان دەيىن رۋمىنيانىڭ قۇرامىندا بولعان.
«1980 جىلداردىڭ سوڭىندا ۇلتتىق جاڭعىرۋ قوزعالىستارى ءجۇرىپ, رۋمىنيامەن قايتا قوسىلۋ جايى تالقىلاندى. بىراق سول كەزدە ناقتى قانشا ادام مۇنى قولدايتىنىن بىلمەدىك, ويتكەنى رەفەرەندۋم وتكەن جوق», دەدى ول.
جۋرناليستەردىڭ تىكەلەي سۇراعىنا جاۋاپ بەرگەن ساندۋ بۇل يدەيانى قولدايتىنىن جاسىرمادى.
«ەگەر رەفەرەندۋم وتكىزىلسە, مەن رۋمىنيامەن بىرىگۋ ءۇشىن داۋىس بەرەر ەدىم», دەدى مولدوۆا پرەزيدەنتى.
ول مۇنداي كوزقاراسىن قازىرگى گەوساياسي احۋالمەن ءتۇسىندىردى.
مولدوۆا پرەزيدەنتىنىڭ رۋمىنياعا باياعىدان بۇيرەگى بۇراتىن. بۇدان ءۇش جىل بۇرىن مايا ساندۋ مەملەكەتتىك ءتىلدى مولدوۆا تىلىنەن رۋمىن تىلىنە اۋىستىرۋ تۋرالى جارلىققا قول قويعان ەدى.