اقش پرەزيدەنتى دونالد ترامپ يرانداعى ينتەرنەتتى قالپىنا كەلتىرۋ ماسەلەسىن تالقىلاۋ ءۇشىن ميللياردەر يلون ماسكپەن سويلەسۋدى جوسپارلاپ وتىر, دەپ حابارلايدى Egemen.kz.
دۇنيەجۇزىلىك ينتەرنەت ەركىندىگىن باقىلاۋمەن اينالىساتىن NetBlocks ۇيىمىنىڭ حابارلاۋىنشا, يراندا وتكەن اپتادان بەرى ينتەرنەت جوق.
جەكسەنبى كۇنى اقش پرەزيدەنتى دونالد ترامپ يلون ماسكپەن سويلەسەتىنىن ايتتى. سەبەبى ول «مۇنداي ىستەردىڭ بىلگىرى, كومپانياسى دا وتە جاقسى» دەپ سيپاتتادى ترامپ.
ماسك پەن ترامپ اراسىنداعى قارىم-قاتىناس ءارتۇرلى بولعان. وتكەن جىلى ولار قوعامدىق دەڭگەيدە داۋلاسىپ, ماسك ترامپتىڭ نەگىزگى سالىق زاڭ جوباسىنا قارسى شىققان. الايدا وسى ايدا ولار مار-ا-لاگو كۋرورتىنداعى كەشكى استا ءبىر ۇستەل باسىندا وتىرعان. سونىمەن قاتار, اقش قورعانىس ءمينيسترى پيت حەگسەت دۇيسەنبى كۇنى SpaceX كومپانياسىنىڭ تەحاستاعى نىسانىن كورۋدى جوسپارلاپ وتىر.
ماسكتىڭ Starlink سپۋتنيكتىك ينتەرنەتى بۇعان دەيىن دە قاقتىعىس بولعان ايماقتاردا, مىسالى ۋكراينادا قولدانىلعان.
يرانداعى نارازىلىقتار 28 جەلتوقساندا باعانىڭ كۇرت وسۋىنە بايلانىستى باستالىپ, كەيىن ۇكىمەتكە قارسى اكتسيالارعا ۇلاسقان. يران بيلىگى تارتىپسىزدىكتىڭ ورشۋىنە اقش پەن ءيزرايلدى ايىپتادى. اقش پرەزيدەنتى دونالد ترامپتىڭ ارالاسۋ جونىندەگى قوقان-لوقىسىنا جاۋاپ رەتىندە يران پارلامەنتىنىڭ سپيكەرى مۇحاممەد باعەر قاليباف يرانعا قارسى كەز كەلگەن ارەكەت امەريكالىق بازالار مەن يزرايلگە قارسى جاۋاپ شارالارىنا الىپ كەلەتىنىن ەسكەرتتى.
يراننىڭ قۇتى قاشتى: اقش دەم بەرىپ, پەحلەۆي ەرەۋىلگە شاقىردى
يراندا «قۇرباندارعا» ارنالعان ءۇش كۇندىك ۇلتتىق ازا تۇتۋ جاريالاندى. ادام قۇقىقتارىن قورعاۋ ۇيىمدارىنىڭ مالىمەتى بويىنشا, ەكى اپتا ىشىندە ۇكىمەتكە جانە ەكونوميكالىق داعدارىسقا قارسى وتكەن نارازىلىقتار كەزىندە ەلدە 500-دەن استام ادام قازا تاپقان.
يراننىڭ تاق مۇراگەرى رەزا پەحلەۆي حالىقتى جاپپاي نارازىلىققا شىعۋعا شاقىردى