ەلدەگى اقىلى جولدارمەن قانشا كولىك ءجۇردى

ۇلتتىق كومپانيانىڭ مالىمەتىنشە, بۇگىندە قازاقستان اۋماعىندا جالپى ۇزىندىعى 4 883 شاقىرىمدى قۇرايتىن 26 اقىلى اۆتوجول ۋچاسكەسى جۇمىس ىستەپ تۇر. ونىڭ ىشىندە 12 ۋچاسكە I تەحنيكالىق ساناتقا جاتادى (2 231 كم), ال قالعان 14 ۋچاسكە II-III ساناتتار بويىنشا پايدالانىلۋدا (2 652 كم).

كولىك اعىنىنا جۇرگىزىلگەن تالداۋ ساپارلاردىڭ نەگىزگى بولىگى ءىرى قالالار ماڭىندا جانە ماڭىزدى ترانزيتتىك باعىتتاردا شوعىرلانعانىن كورسەتكەن. ماسەلەن, ەڭ كوپ پايدالانىلاتىن العاشقى بەس اقىلى جول ۋچاسكەسىنە بارلىق ساپاردىڭ 51 پايىزى تيەسىلى بولسا, العاشقى ون باعىت جالپى ترافيكتىڭ شامامەن 73 پايىزىن قامتاماسىز ەتكەن.

بيىل اقىلى جولداردان 79 ملرد تەڭگە ءتۇستى

جول ءجۇرۋ سانى بويىنشا الماتى – قوناەۆ باعىتى كوش باستاپ تۇر. بۇل باعىتتا ءبىر جىل ىشىندە 11,8 ميلليون ساپار تىركەلگەن. سونداي-اق شىمكەنت ماڭىنداعى وڭتۇستىك باعىتتاردا, سونىڭ ىشىندە وزبەكستان شەكاراسىنا اپاراتىن جولدا دا جۇكتەمە جوعارى – 9,3 ميلليون ساپار.

ال ماڭعىستاۋ وبلىسىنداعى بەينەۋ – اقجىگىت, ياعني وزبەكستان شەكاراسىنا شىعاتىن اقىلى جول ۋچاسكەسىندە قوزعالىس قارقىنى ايتارلىقتاي تومەن بولعان. 2025 جىلى بۇل باعىتتا بار بولعانى 163 مىڭ ساپار تىركەلگەن. بۇل كورسەتكىش ەلدەگى بارلىق اقىلى جولداردىڭ ىشىندە ەڭ تومەن كورسەتكىشتەردىڭ ءبىرى سانالادى.

اقىلى جول ازىق-ت ۇلىك باعاسىنا اسەر ەتە مە؟

بۇدان دا از ترافيك تەك ءۇشارال – دوستىق اۆتوجولىندا بايقالعان. بۇل ۋچاسكەدە ءبىر جىلدا 101 مىڭ ساپار عانا تىركەلگەن.

ەلىمىزدەگى اقىلى جولداردا كىمدەر تەگىن جۇرە الاتىنىن وسى سىلتەمە ارقىلى وقي الاسىز.