بۇل – مەديتسينالىق كومەك الۋ ۇدەرىسىن مەيلىنشە اشىق ەتەدى. ۇكىمەتتىڭ ءباسپاسوز قىزمەتىنىڭ مالىمدەۋىنشە, قازاقستاندا مەديتسينالىق قىزمەتتەرگە ارنالعان ۆاۋچەرلەر بەرىلە باستايدى, دەپ حابارلايدى Egemen.kz.
كابينەتتە دەنساۋلىق ساقتاۋ جۇيەسىن تسيفرلىق ترانسفورماتسيالاۋ ماسەلەلەرى تالقىلاندى. قازىرگى ۋاقىتتا «الەۋمەتتىك ءاميان» جوباسى اياسىندا ەل تۇرعىندارى امبۋلاتوريالىق ءدارى-دارمەكپەن قامتاماسىز ەتۋ شەڭبەرىندە كەپىلدەندىرىلگەن ءدارى-دارمەك پاكەتىن الا الادى. بيىل بۇل سەرۆيس جەكە ءدارىحانالاردا قوسىمشا تولەم مەحانيزمى ارقىلى قولجەتىمدى بولادى.
سونىمەن قاتار, وتانداستارىمىزعا مەديتسينالىق قىزمەتتەرگە ۆاۋچەرلەر بەرىلە باستايدى.
ء«دارى-دارمەكتى بەرۋ جۇيەسىنە قوسىمشا مەديتسينالىق قىزمەتتەرگە ۆاۋچەر الۋ مۇمكىندىگى قاراستىرىلىپ وتىر, بۇل مەديتسينالىق كومەك الۋ پروتسەسىن ازاماتتار ءۇشىن ودان ءارى اشىق ءارى ىڭعايلى ەتەدى», دەلىنگەن حابارلامادا.
سالانى تسيفرلاندىرۋ كەزەڭ-كەزەڭىمەن جۇرگىزىلەدى. نەگىزگى ماقسات – ەل تۇرعىندارىنا ناقتى تيىمدىلىك كورسەتۋ جانە دارىگەرلەردىڭ جۇكتەمەسىن ازايتۋ.
سونىمەن قاتار, بيىل «الەۋمەتتىك ءاميان» جوباسى مەملەكەتتىك قولداۋ شارالارىنىڭ تاعى 10 تۇرىنە كەڭەيتىلەتىنى بەلگىلى بولدى.