الماتى قالاسىندا پوليتسەيلەر ەسىرتكى قۇرالدارىنىڭ زاڭسىز اينالىمىنا قاتىسى بار دەگەن كۇدىكپەن بىرنەشە ادامدى ۇستاعان. «قۇقىقتىق ءتارتىپ» جەدەل-پروفيلاكتيكالىق ءىس-شاراسى شەڭبەرىندە ۇستالعانداردىڭ ءبىرى شەتەلدىك ازامات بولىپ شىقتى, دەپ جازادى Egemen.kz.
ءتىنتۋ بارىسىندا شەتەل ازاماتىنان ۇنتاق ءتارىزدى زات سالىنعان بىرنەشە ورام تابىلعان. تاركىلەنگەن زاتتاردىڭ تىيىم سالىنعان ەسىرتكى قۇرالدارى ەكەنى ساراپتاما قورىتىندىسىندا ءمالىم بولدى.
سونداي-اق مەديتسينالىق كۋالاندىرۋ ناتيجەسىندە كۇدىكتىنىڭ پسيحواكتيۆتى زاتتاردى تۇتىنعانى انىقتالدى. ماتەريالدار سوتقا دەيىنگى تەرگەپ-تەكسەرۋ تارتىبىمەن تىركەلىپ وتىر. بارلىق ءمان-جاي انىقتالىپ جاتىر.
وعان قوسا كۇدىكتىنىڭ «جاسىرىن قويما» ءتاسىلى ارقىلى جۇزەگە اسىرىلاتىن ىقتيمال كۋرەرلىك قىزمەتكە قاتىستىلىعى تەكسەرىلەدى.
ء«بىز ەسىرتكى تاراتۋدىڭ جولدارىن جۇيەلى تۇردە انىقتاپ, كۋرەرلىك جەلىلەرگە تارتىلعان تۇلعالاردى اشكەرەلەۋ جۇمىستارىن تۇراقتى تۇردە جۇرگىزىپ كەلەمىز. مۇنداي جەدەل ءىس-شارالار ۇزدىكسىز وتكىزىلەدى جانە ءاربىر انىقتالعان دەرەككە قۇقىقتىق باعا بەرىلەدى», دەدى الماتى قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇماباەۆ.