2025 جىلعى 1 جەلتوقسانداعى جاعداي بويىنشا قازاقستان حالقىنىڭ سانى 20 478 879 ادامدى قۇرادى, دەپ حابارلايدى Egemen.kz ۇلتتىق ستاتيستيكا بيۋروسىنىڭ مالىمەتىنە سىلتەمە جاساپ.
2025 جىلدىڭ باسىندا ەل حالقىنىڭ سانى 20 283 399 ادام بولعان. وسىلايشا, 11 اي ىشىندە حالىقتىڭ جالپى ءوسىمى 195 480 ادامدى قۇرادى.
جەلتوقسان ايىنىڭ باسىندا قالا حالقىنىڭ سانى 13 013 064 ادام بولدى (جىل باسىنان بەرى ءوسىم – 239 949 ادام), ال اۋىل حالقى 7 465 815 ادامدى قۇرادى (ازايۋ – 44 469 ادام).
2025 جىلعى 1 جەلتوقساندا رەسپۋبليكادا بۇرىنعىداي ءۇش ميلليونەر قالا بار. الماتىدا – 2 345 012 ادام, استانادا – 1 630 640 ادام, شىمكەنتتە – 1 291 011 ادام تۇرادى.
سونداي-اق حالقى ءبىر ميلليوننان اساتىن وبلىستاردىڭ قاتارىندا:
تۇركىستان وبلىسى – 2 148 168 ادام, الماتى وبلىسى – 1 592 652 ادام, جامبىل وبلىسى – 1 215 892 ادام, قاراعاندى وبلىسى – 1 131 438 ادام بار.ەلىمىزدىڭ بىرنەشە وڭىرىندە حالىق سانى ازايعان