يمانعالي تاسماعامبەتوۆ ۇجىمدىق قاۋىپسىزدىك تۋرالى شارت ۇيىمى باس حاتشىسى لاۋازىمىنداعى قىزمەتىن رەسمي تۇردە اياقتادى, دەپ حابارلايدى Egemen.kz.
ونىڭ ورنىنا قىرعىزستان وكىلى تاالاتبەك ماسادىكوۆ تاعايىندالدى. ونىڭ تاعايىندالۋى تۋرالى شەشىم 2025 جىلعى قاراشادا قابىلدانعان.
– جينالىس بارىسىندا 2026 جىلعى 1 قاڭتاردان باستاپ ءۇش جىلدىق مەرزىمگە قىرعىز رەسپۋبليكاسىنىڭ وكىلى تاالاتبەك ماسادىكوۆتى ودكب باس حاتشىسى قىزمەتىنە تاعايىنداۋ تۋرالى شەشىم بەكىتىلدى, – دەلىنگەن ۇقشۇ حابارلاماسىندا.
يمانعالي تاسماعامبەتوۆ ۇقشۇ 2023 جىلعى 1 قاڭتاردان باستاپ باسقارعان, ول بۇل لاۋازىمدا ستانيسلاۆ زاستى الماستىرعان. بۇعان دەيىن قازاقستاندا بىرقاتار ماڭىزدى مەملەكەتتىك قىزمەتتەردى اتقارعان, ونىڭ ىشىندە پرەمەر-مينيستر, پرەزيدەنت اكىمشىلىگى باسشىسى جانە قورعانىس ءمينيسترى بولعان.