الماتىعا كىرۋ اقىلى بولا ما؟

الماسحان سماتلاەۆتىڭ ايتۋىنشا, وسى باعىتتاعى جاڭا ەرەجەلەر اتموسفەرالىق اۋانى قورعاۋ سالاسىنداعى جاعدايدى باقىلاۋ مەن رەتتەۋگە ارنالعان پيلوتتىق جانە ۇيىمداستىرۋشىلىق شارالارعا بايلانىستى ەنگىزىلەدى. 

«2026 جىلدان باستاپ اقىلى جۇيەنى ەنگىزۋ جوسپارلانباعان, ويتكەنى ول ءۇشىن زاڭناماعا ءتيىستى وزگەرىستەر ەنگىزۋ قاجەت. الدىمەن پيلوتتىق جوبا سىناقتان وتكىزىلەدى, ونىڭ ارتىق-كەم تۇستارى سارالانىپ, سودان كەيىن عانا ءارى قارايعى دامۋ باعىتى ايقىندالادى», دەدى الماسحان سماتلاەۆ.

قازىر الماتىداعى كولىك سانى بويىنشا جوسپار ازىرلەنگەن. بۇل قۇجاتقا سايكەس قالانىڭ شىعىس, باتىس جانە سولتۇستىك بولىكتەرىندە كولىككە اۋىسىپ ءمىنۋ توراپتارىن سالۋ كوزدەلگەن. اتالعان نىساندارعا جاڭا مەترو جەلىلەرىن جانە LRT باعىتتارىن تارتۋ, سونداي-اق قوسىمشا اۆتوبۋس مارشرۋتتارىن ىسكە قوسۋ جوسپارلانىپ وتىر.

الماتىدا «سەرگەك» كامەرالارىنىڭ سانى ارتادى

اكىم ورىنباسارىنىڭ دەرەگىنشە, بۇگىندە الماتى كوشەسىندە كۇن سايىن 1 ميلليوننان استام اۆتوكولىك جۇرەدى.

«الەمدىك تاجىريبەدە تۇرعىنداردىڭ شامامەن 70%-ى قوعامدىق كولىكتى, ال 30%-ى جەكە اۆتوكولىكتى پايدالانادى. الماتىدا بۇل كورسەتكىش كەرىسىنشە. قوزعالىستىڭ 60%-ى جەكە كولىككە, 40%-ى قوعامدىق كولىككە تيەسىلى. الەمدىك ۇلگىگە كەزەڭ-كەزەڭىمەن كوشۋ ناتيجەسىندە تۇرعىنداردىڭ قوعامدىق كولىكتى تاڭداۋىنا قاراي قالادا اۆتوكولىك سانى شامامەن 300 مىڭعا قىسقارۋى مۇمكىن. بۇل ەكولوگيالىق جانە كولىك احۋالىن ەداۋىر جاقسارتادى. دەسە دە بۇل بىرتىندەپ جۇزەگە اساتىن ۇدەرىس جانە جۋىق ارادا شەشىلە قوياتىن ماسەلە ەمەس», دەدى الماتى قالاسى اكىمىنىڭ ورىنباسارى.

ايتا كەتەيىك, الماتى مەتروسى 2040 جىلى قاي اۋماقتاردى قامتيتىنى انىقتالدى.

الماتىنىڭ باس جوسپارىندا مەگاپوليس اۋماعىن جانە وعان ىرگەلەس ەلدى مەكەندەردى قامتيتىن ۇلكەن اينالما مەترو جەلىسىن سالۋ, سونداي-اق جەڭىل رەلستى كولىك (LRT) جۇيەسىن ىسكە قوسۋ قاراستىرىلىپ وتىر.