مەملەكەت باسشىسى قاسىم-جومارت توقاەۆ يران يسلام رەسپۋبليكاسىنىڭ پرەزيدەنتى ماسۋد پەزەشكياندى اقوردا رەزيدەنتسياسىندا رەسمي تۇردە قارسى الدى, دەپ حابارلايدى Egemen.kz.
مارتەبەلى مەيماننىڭ قۇرمەتىنە سالتاناتتى ءراسىم زالىندا قۇرمەت قاراۋىلى ساپ تۇزەدى.
پرەزيدەنتتىك وركەستر ەكى ەلدىڭ مەملەكەتتىك گيمندەرىن ورىندادى. قاسىم-جومارت توقاەۆ پەن ماسۋد پەزەشكيان كىلەم جولىمەن قازاقستان رەسپۋبليكاسىنىڭ مەملەكەتتىك تۋىنا بەت الىپ ءوتتى, ودان كەيىن ەكى ەل باسشىلارىنىڭ شاعىن قۇرامداعى كەزدەسۋى باستالدى.
بۇعان دەيىن حابارلانعانداي, يران پرەزيدەنتىنىڭ رەسمي ساپارى اياسىندا جوعارى دەڭگەيدەگى كەلىسسوزدەر وتكىزۋ جوسپارلانعان. وندا ساۋدا-ەكونوميكالىق, كولىكتىك-لوگيستيكالىق جانە مادەني-گۋمانيتارلىق سالالارداعى قازاقستان-يران ىنتىماقتاستىعىن ودان ءارى نىعايتۋ ماسەلەلەرى تالقىلانباق.