بۇگىن تۇندە الماتىداعى اۋەزوۆ اۋدانىندا ءورت شىقتى. اساي-5 شاعىن اۋدانىندا ورنالاسقان كوپقاباتتى ءۇيدىڭ ءبىر پاتەرىندە تۇرمىستىق زاتتار ورتەنگەن, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ.
ۆەدومستۆونىڭ مالىمەتىنشە, جالپى اۋدانى 25 شارشى مەتر بولاتىن تۇرمىستىق زاتتار ورتەنگەن.
«تجم قۇتقارۋشىلارى ءورتتىڭ باسقا بولمەلەرگە تارالۋىنا جول بەرمەي, تەز ارادا ءسوندىردى», دەلىنگەن حابارلامادا.
تۇتىننەن ۋلانۋدىڭ الدىن الۋ ماقساتىندا قۇتقارۋشىلار 30 ادامدى, ونىڭ ىشىندە 10 بالانى ەۆاكۋاتسيالاعان. تۇرعىندارعا جىلى كولىك ۇيىمداستىرىلدى. زارداپ شەككەندەر جوق.