جوبانى جاساپ شىققان – باس شاھاردىڭ №111 جالپى ورتا مەكتەبىنىڭ 5-سىنىپ وقۋشىسى ءاليحان تولەباي, دەپ جازادى Egemen.kz.
كولىك قوزعالىسىن ءتيىمدى باسقارۋ – ۇلكەن قالالاردا, ونىڭ ىشىندە ءبىلىم بەرۋ مەكەمەلەرى ءۇشىن دە ماڭىزدى مىندەتتەردىڭ ءبىرى ەكەنى ءمالىم. ال ۋاقىتتى ۇنەمدەپ, قاۋىپسىزدىكتى ارتتىراتىن «اقىلدى شلاگباۋم» كولىك جاقىنداعاندا ءوزى اشىلادى.
وقۋشىنىڭ ءوز قولىمەن قۇراستىرعان يننوۆاتسيالىق ءارى پايدالى جوباسىنىڭ ەرەكشەلىگى – شلاگباۋمعا كولىك جاقىنداعان ساتتە جۇيە ونى اۆتوماتتى تۇردە تانيدى جانە كەدەرگىنى كوتەرىپ, جۇرگىزۋشىنىڭ بوگەتسىز وتۋىنە مۇمكىندىك بەرەدى.
بۇل – وقۋ ورنى اۋلاسىنا, تۇراقتارعا جانە جەكە اۋماقتارعا كىرۋدى باقىلاۋ تۇرعىسىندا وتە ءتيىمدى شەشىم ەكەنى داۋسىز.