شىمكەنت قالاسىنىڭ تۇرعىنى اليمەنت بويىنشا 4,8 ملن تەڭگەدەن استام بەرەشەگى ءۇشىن قىلمىستىق جاۋاپكەرشىلىككە تارتىلدى, دەپ حابارلايدى Egemen.kz.
شىمكەنت قالالىق سوتىنىڭ مالىمەتىنشە, قىلمىستىق ءىس كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا قارالدى.
سوتتالۋشى ت.-عا قك-ءنىڭ 139-بابى «بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماۋ, ەڭبەككە قابىلەتسىز اتا-انالارىن, ەڭبەككە قابىلەتسىز جۇبايىن (زايىبىن) كۇتىپ-باعۋعا ارنالعان قاراجاتتى تولەۋدەن جالتارۋ» بويىنشا ايىپ تاعىلدى.
اليمەنت بويىنشا بەرەشەگىن وتەۋ تۋرالى حابارلانعانىنا قاراماستان, سوتتالۋشى 5 جىلدان استام ۋاقىت ىشىندە اليمەنت تولەۋ مىندەتتەرىن ورىنداماعان.
سالدارىنان سوتتالۋشىنىڭ اليمەنت بويىنشا قارىزى 4 852 676 تەڭگەگە جەتكەن.
– سوتتالۋشىنىڭ كىناسى ءىس-قۇجاتتارىمەن قوسا ءوزىنىڭ بەرگەن تۇسىنىگىمەن, جەكە سوت ورىنداۋشىنىڭ ۇسىنىسىمەن جانە تاعى باسقا دا ءىس بويىنشا جيناقتالعان قۇجاتتارمەن تولىق دالەلدەنگەن. سوت, ت.-نى قك-ءنىڭ 139-بابىمەن كىنالى دەپ تانىپ, وعان 6 ايعا باس بوستاندىعىنان ايىرۋ جازاسىن تاعايىندادى, - دەلىنگەن سوتتىڭ حابارلاماسىندا.
ۇكىم زاڭدى كۇشىنە ەنبەدى.