الماتى قالاسى اكىمدىگىنىڭ حابارلاۋىنشا, تاڭعى ساعات 8:53-تە وتەگەن-باتىر كوشەسىندەگى «سۇڭقار» مەديتسينالىق ورتالىعىنىڭ تۇراعىندا ترانسفورماتورلىق قوسالقى ستانسا ورتەنگەن, دەپ حابارلايدى Egemen.kz.
ء«ورت ءسوندىرۋ قىزمەتى, پوليتسيا جانە جەدەل جاردەم تاڭعى ساعات 9:01-دە كەلدى. زارداپ شەككەندەر جوق. جارىلىستان مەديتسينالىق ورتالىقتىڭ جانە ءبىر جەڭىل كولىكتىڭ تەرەزەلەرىنە زاقىم كەلدى», دەلىنگەن حابارلامادا.
قازىر ەلەكتر جەلىسى كومپانياسىنىڭ قىزمەتكەرلەرى نىساندى ەلەكتردەن اجىراتۋ بويىنشا شارالار قابىلداپ جاتىر.
سونىمەن قاتار اۋەزوۆ اۋدانىندا 5, 8, 9, 10 جانە سايران شاعىن اۋداندارىندا ەلەكتر قۋاتىنىڭ اپاتتى تۇردە ءوشىپ قالعانى تۋرالى حابارلاندى. باسقا بارلىق شاعىن اۋداندار تاڭعى ساعات 9:50-دەن باستاپ ەلەكتر قۋاتىمەن قامتاماسىز ەتىلگەن.