قازاقستاننىڭ «اق جول» دەموكراتيالىق پارتياسىنىڭ توراعاسى, پارلامەنت ءماجىلىسىنىڭ دەپۋتاتى ازات پەرۋاشەۆ باستاعان پارتيانىڭ باقىلاۋ-رەۆيزيالىق كوميسسياسىنىڭ توراعاسى بولات وتەپباەۆ, پارتيا فيليالىنىڭ جەتەكشىسى ءارى استانا قالالىق ماسليحاتىنىڭ دەپۋتاتى اسقار سماعۇلوۆ جامبىل جەرىنە ارنايى ساپارمەن كەلدى, دەپ جازادى Egemen.kz.
ازات تۇرلىبەك ۇلى «اق جول» دەمپارتياسىنىڭ جامبىل وبلىستىق فيليالىندا ماسليحاتتارداعى دەپۋتاتتاردىڭ اعىمداعى جۇمىستارى جونىندە كەڭەس وتكىزدى.
«بۇگىندە جامبىل وڭىرىندە وبلىستىق, قالالىق جانە اۋداندىق ماسليحاتتاردا پارتيامىزدىڭ اتىنان 19 دەپۋتات قىزمەت ەتۋدە. وتكەن اپتادا قوستانايدا بارلىق دەڭگەيدەگى ءماسليحات دەپۋتاتتارىنىڭ فورۋمىن وتكىزگەن بولاتىنبىز. كەڭەس وتىرىسىندا وسى جيىندا كوتەرىلگەن ماسەلەلەردى قورتىندىلاپ, وڭىرلەردەگى ارىپتەستەرىمىز ءۇشىن وزەكتى پروبلەمالاردى تالقىلادىق.
پارتيالاستار تاريفتەر مەن مونوپوليستەردىڭ وكىلەتتىگىن اسىرا پايدالانۋىن, ينفلياتسيا ماسەلەسى جانە حالىق تۇتىناتىن تاۋارلاردى (كيىم, اياق كيىم, ازىق-ت ۇلىك) وندىرۋشىلەردى, اۋىل شارۋاشىلىعى ونىمدەرىن قايتا وڭدەۋشىلەردى قولداۋ قاجەتتىلىگى, سونداي-اق كەدەن ساياساتىنىڭ تۇراقتىلىعى مەن بولجامدىلىعى ماسەلەلەرىن كوتەردى. قانت زاۋىتتارىنىڭ بىرىندە اگروونەركاسىپتىك كەشەندەگى جاعداي بويىنشا كەڭەس وتكىزۋ تۋرالى ۇسىنىس جاسالدى. «اق جول» دەمپارتياسى فراكتسياسىنان «جەرگىلىكتى مەملەكەتتىك باسقارۋ تۋرالى» زاڭ جوباسىن تالقىلاۋعا بارىنشا قاتىسىپ, دەپۋتاتتار مەن ءماسليحاتتاردىڭ وكىلەتتىكتەرىن كەڭەيتۋ مەن كۇشەيتۋگە قول جەتكىزۋدى سۇرادى. ولار ءماسليحات توراعالارىنىڭ دەپۋتاتتار قىزمەتىن شەكتەۋ بويىنشا جوسپارلارىنا, مىسالى, تۇسىنىكسىز سىلتاۋلارمەن سەسسيالارعا قاتىسۋدى شەكتەۋ ماسەلەسىنە الاڭداۋشىلىق ءبىلدىردى.
وڭىردەگى وكىلدەرىمىز پارلامەنتتىڭ الداعى كونستيتۋتسيالىق رەفورماسىن قولدايدى. پرەزيدەنت ق.توقاەۆتىڭ اقش-قا ساپارىن قىزىعۋشىلىقپەن تالقىلاپ, جامبىل وبلىسىنىڭ ونەركاسىبى مەن اگروونەركاسىپتىك كەشەنىنە شەتەلدىك ينۆەستيتسيالاردىڭ ءوسۋىن اتاپ وتتىك», - دەيدى ازات پەرۋاشەۆ.
بۇدان سوڭ ازات تۇرلىبەك ۇلى باستاعان توپ: پارتيانىڭ جامبىل وبلىستىق فيليالىنىڭ, وبلىستىق ماسليحاتتاعى تۇراقتى كوميسسيانىڭ توراعاسى مۇقانبەتالى شالقاربەكوۆ, وبلىستىق ءماسليحاتتىڭ دەپۋتاتى داۋرەن احمەتجاەۆ جانە تاراز قالالىق ءماسليحاتىنىڭ دەپۋتاتتارى رۋسلان مىرقالىقوۆ, باۋىرجان نايزاقۇلوۆ, شاحان بايكەنجەەۆپەن بىرگە تاراز كوتەرمە تاراتۋ ورتالىعىنا باردى.
حالىق قالاۋلىلارىن ورتالىقتىڭ قۇرىلتايشىسى التاي كارابەكوۆ قارسى الىپ, ينفراقۇرىلىم, لوگيستيكالىق مۇمكىندىكتەرىن تانىستىردى. سونداي-اق ايماقتاعى ازىق-ت ۇلىك قاۋىپسىزدىگىن قامتاماسىز ەتۋدەگى ورتالىقتىڭ رولىنە توقتالىپ ءوتتى.
تاراز كوتەرمە تاراتۋ ورتالىعى – اۋىل شارۋاشىلىعى ونىمدەرىن جيناقتاپ, ساقتاۋ جانە ايماقتىق نارىققا ءتيىمدى تاراتۋعا ارنالعان زاماناۋي كەشەن. مۇندا سالقىنداتىلعان ساقتاۋ قويمالارى, جۇك ءتۇسىرۋ مەن جونەلتۋ الاڭدارى, سونداي-اق ءونىم ساپاسىن باقىلاۋ جۇيەلەرى قاراستىرىلعان. بۇل ورتالىقتا 10 مىڭ تونناعا دەيىن كوكونىس ونىمدەرى ساقتالادى.
وسى ارقىلى ايماق تۇرعىندارىنا كوكونىس ونىمدەرىن ءتيىمدى باعادا تاراتۋعا مۇمكىندىك بار. بۇل ءبىر جاعىنان باعا باعامىن تۇراقتاندىرۋعا سەپتىگى مول.
ازات تۇرلىبەك ۇلى ورتالىقتاعى جۇمىس پروتسەسىمەن تانىسىپ, ورتالىق ارقىلى اۋىل شارۋاشىلىعى ونىمدەرىن تۇتىنۋشىعا تىكەلەي جەتكىزەتىن تەتىكتەرگە, فەرمەرلەرمەن ءوزارا ارەكەتتەسۋ مەن لوگيستيكا سالاسىنداعى تۋىندايتىن ماسەلەلەرگە نازار اۋداردى.
بۇگىندە تاراز كوتەرمە تاراتۋ ورتالىعىندا جالعا الۋ نەگىزىندە Rich Gold كومپانياسى دا ءوز جۇمىسىن جۇرگىزىپ وتىر. زاماناۋي كاسىپورىن جەمىس-جيدەكتەردى وڭدەپ, شىرىن, پۋلپا, پيۋرە جانە كونتسەنتراتتار وندىرەدى. كومپانيا وندىرىلەتىن وتاندىق ونىمدەردىڭ ۇلەسىن ارتتىرىپ, اۋىل شارۋاشىلىعىن دامىتۋعا ۇلەس قوسۋدى كوزدەيدى.
كاسىپورىن جەمىس وسىرەتىن ديحاندارمەن تىعىز ارىپتەستىك ورناتقان. وسى ارقىلى اۋىل شارۋاشىلىعى ونىمدەرىن وندىرۋشىلەردىڭ ونىمدەرىن ساتىپ الىپ, ولاردىڭ ەڭبەگىن ءتيىمدى ەتۋگە كومەكتەسىپ كەلەدى. Rich Gold-تىڭ وندىرگە تابيعي, ەكولوگيالىق تازا جانە پايدالى ءونىمدى تۇتىنۋشىلار تاراپىنان ۇلكەن سۇرانىسقا يە.