OpenAI كومپانياسى ChatGPT قىزمەتىنە جاڭا شەكتەۋلەر ەنگىزدى. ەندى نەيروجەلى مەديتسينا, قۇقىق جانە قارجى سالالارى بويىنشا ناقتى كەڭەس ۇسىنبايدى, دەپ جازادى Egemen.kz.
ونىڭ ورنىنا جالپى قاعيداتتاردى ءتۇسىندىرىپ, مەحانيزمدەردى سيپاتتايدى. قولدانۋشىلاردى سالانىڭ ماماندارىنا دارىگەرگە, زاڭگەرگە نەمەسە قارجىلىق كەڭەسشىگە جۇگىنۋگە ۇندەيدى.
جاڭا ەرەجەلەرگە سايكەس, ChatGPT ءدارى-دارمەك رەتسەپىن, پرەپاراتتاردىڭ اتاۋلارىن جانە دوزالارىن ۇسىنبايدى. سونداي-اق سوت تالاپتارىنىڭ ۇلگىلەرىن نەمەسە ينۆەستيتسيالىق جوسپارلاردى دايىنداپ بەرمەيدى.
OpenAI-دىڭ بۇل شەشىمى پايدالانۋشىلاردىڭ قاۋىپسىزدىگىن ارتتىرىپ, جي-ءدىڭ كاسىبي كەڭەس بەرۋشى ءرولىن الماستىرا المايتىنىن تۇسىندىرۋگە باعىتتالعان.