الماتى اكىمى دارحان ساتىبالدىنىڭ وكىمىمەن, پرەزيدەنت اكىمشىلىگىنىڭ جانە قالالىق ءماسليحاتتىڭ كەلىسىمىمەن اتالعان لاۋازىمدى قىزمەتكە ازامات قالدىبەكوۆ تاعايىندالدى, دەپ حابارلايدى Egemen.kz.
ا.قالدىبەكوۆ 1984 جىلى 11 قازاندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا تامامداعان. «بولاشاق» باعدارلاماسى بويىنشا ديۋك ۋنيۆەرسيتەتىندە (اقش, سولتۇستىك كارولينا) قۇقىق ماگيسترى دارەجەسىن العان. قازاق ۇلتتىق اگرارلىق زەرتتەۋ ۋنيۆەرسيتەتىندە فيلوسوفيا دوكتورى (PhD) عىلىمي دارەجەسىن قورعاعان.
ەڭبەك جولىن 2007 جىلى الماتى قالاسى بوستاندىق اۋدانىنىڭ №2 اۋداندىق سوتىندا جەتەكشى مامان بولىپ باستاعان.
ءار جىلدارى ۇلتتىق بانكتە, «سامۇرىق-قازىنا» اق, «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق قۇرىلىمدارىندا قىزمەت ەتكەن.
2018 جىلى الماتى قالاسى اكىمى اپپاراتىنىڭ باس ينسپەكتورى بولىپ جۇمىس ىستەدى. سول جىلى شىلدەدەن 2019 جىلى ناۋرىزعا دەيىن الماتى قالاسى جەتىسۋ اۋدانى اكىمىنىڭ اپپاراتىنىڭ باسشىسى بولدى.
2019-2020 جىلدارى الماتى قالاسى جەر قاتىناستارى باسقارماسى باسشىسىنىڭ ورىنباسارى جانە الماتى قالاسى جاسىل ەكونوميكا باسقارماسى باسشىسىنىڭ ورىنباسارى لاۋازىمدارىن اتقارعان.
2019 جىلى ءبىرىنشى پرەزيدەنتتىك جاستار كادرلىق رەزەرۆىنە ەندى. 2020-2024 جىلدارى الماتى قالاسى الاتاۋ اۋدانىنىڭ اكىمى بولىپ جۇمىس ىستەدى.
2024 جىلدان وسى ۋاقىتقا دەيىن الماتى قالاسى اكىمىنىڭ ورىنباسارى قىزمەتىن اتقاردى.