كەشە وتاندىق مەديتسينا كەزەكتى ماڭىزدى وقيعانى باسىنان وتكەرىپ, كوپ اعزالىق دونورلىق ۇدەرىستى جۇزەگە اسىردى. الماتى قالاسىنىڭ ورتالىق قالالىق كلينيكالىق اۋرۋحاناسىنىڭ بازاسىندا قايتىس بولعان دونوردان, ياعني 1962 جىلعى ايەلدىڭ مايىتىنەن كوپ اعزالىق اعزالار الۋ پروتسەسى اتقارىلدى, دەپ حابارلايدى Egemen.kz.
وسىلايشا, دونوردىڭ تۋىستارىنىڭ كەلىسىمىنىڭ ارقاسىندا بىردەن بىرنەشە ومىرلىك ماڭىزى بار اعزالاردى ترانسپلانتاتتاۋعا مۇمكىندىك تۋدى.
سونىمەن مايىتتىك دونوردىڭ جۇرەگىن 1988 جىلى تۋعان پاتسيەنتكە, ال باۋىرى 1982 جىلعى پاتسيەنتكە, وڭ بۇيرەگى 1996 جىلعى ناۋقاسقا, سول جاق بۇيرەگى 2017 جىلدىڭ قازان ايىنان بەرى اعزا الماستىرۋدى سارىلا كۇتكەن 1966 جىلعى پاتسيەنتكە, ال كوزىنىڭ ءمولدىر قابىقتارى 1983 جانە 1956 جىلى تۋعان پاتسيەنتتەرگە سالىندى.
اسا كۇردەلى مەديتسينالىق ۇدەرىستى ۇيلەستىرۋدى قر دسم رەسپۋبليكالىق ترانسپلانتاتتاۋ جانە جوعارى تەحنولوگيالىق مەديتسينالىق قىزمەتتەردى ۇيلەستىرۋ ورتالىعى قامتاماسىز ەتىپ, الماتىنىڭ جەتەكشى ترانسپلانتاتتاۋ ورتالىقتارى بىرلەسە اتقارسا, ولاردىڭ قاتارىندا «كارديولوگيا جانە ىشكى اۋرۋلار عىلىمي-زەرتتەۋ ينستيتۋتى» اق, «سىزعانوۆ اتىنداعى ۇلتتىق حيرۋرگيا عىلىمي ورتالىعى» اق, الماتى قالاسىنداعى «ورتالىق قالالىق كلينيكالىق اۋرۋحانا» شجق كمك بار.
دونوردىڭ جاسى ۇلعايعانىنا قاراماستان, دارىگەرلەر اعزالاردىڭ جاعدايى جاقسى ەكەندىگىن, ءارى قاراي قىزمەتىن اتقارا الاتىندىعىن العا تارتىپ وتىر.
مەديتسيناداعى بۇل وقيعا ءومىردى ساقتاۋعا كەلگەندە ادام جاسىنىڭ كەدەرگى ەمەس ەكەندىگىن تاعى دا راستادى.
رەسپۋبليكالىق ورتالىق دونوردىڭ وتباسىنا ولاردىڭ ساۋاپتى شەشىمى ءۇشىن, سونداي-اق ۇيلەسىمدى جۇمىسى اسا كۇردەلى پروتسەستى جوعارى دەڭگەيدە جۇرگىزۋگە مۇمكىندىك بەرگەن مەديتسينا ماماندارىنا زور ريزاشىلىعىن بىلدىرەدى.