ءوڭىر تۇرعىندارىن سۋمەن قامتاماسىز ەتۋ – مەملەكەت باسشىسى ۇكىمەت الدىنا قويعان باسىم مىندەتتەردىڭ ءبىرى.
پرەزيدەنت تاپسىرماسى بويىنشا قىزىلوردا وبلىسىندا التى سۋمەن جابدىقتاۋ نىسانىن سالۋ جوبالارىن جۇزەگە اسىرۋعا ارناۋلى مەملەكەتتىك قوردان 2 ملرد تەڭگەدەن استام قارجى ءبولىندى. بۇل اقشا قايتارىلعان اكتيۆتەر قاراجاتى ەسەبىنەن الىندى.
جوبالار جالپى ارال جانە قازالى اۋداندارىنداعى 2 مىڭعا جۋىق تۇرعىنى بار اۋىلداردى قامتيدى. اتالعان شارالاردى جۇزەگە اسىرۋ تاستۇبەك, ەرىمبەتجاعا, شاكەن, ءشيلى, شيتۇبەك جانە ساربۇلاق اۋىلدارىن ساپالى سۋمەن قامتاماسىز ەتۋگە مۇمكىندىك بەرەدى. جۇمىسقا توپتىق سۋمەن جابدىقتاۋ جۇيەلەرىنە قوسۋ دا, اۋىلىشىلىك جەلىلەردى سالۋ دا كىرەدى.
نىساندار قۇرىلىسىن اياقتاۋ مەن ولاردى پايدالانۋعا بەرۋ وسى جىلدىڭ اياعىنا جوسپارلانعان.