كۆاندجۋ جانە سەۋل قالالارىندا وتكەن ءىس-شارالار اياسىندا جامبىل اتىنداعى قازاق مەملەكەتتىك اكادەميالىق فيلارمونياسى جارقىن كونتسەرتتىك باعدارلاماسىن, ال «Tarbiya» برەندى ءداستۇرلى قازاق كيىمدەرىنىڭ كوللەكتسياسىن تانىستىردى, دەپ حابارلايدى Egemen.kz.
اتالعان ءىس-شارالار ازيا مادەني ورتالىعى, ورتالىق ازيا – كورەيا رەسپۋبليكاسى ىنتىماقتاستىق فورۋمى حاتشىلىعى جانە ورتالىق ازيا – كورەيا رەسپۋبليكاسى دوستىق اسسوتسياتسياسىنىڭ قولداۋىمەن ۇيىمداستىرىلدى.
ءىس-شارالارعا ورتالىق ازيا – كورەيا رەسپۋبليكاسى ىنتىماقتاستىق فورۋمى حاتشىلىعىنىڭ اتقارۋشى ديرەكتورى لي چون گۋك, ازيا مادەني ورتالىعىنىڭ پرەزيدەنتى كيم سانگ ۋك, ورتالىق ازيا – كورەيا رەسپۋبليكاسى دوستىق اسسوتسياتسياسىنىڭ پرەزيدەنتى لي وك ريون جانە ورتالىق ازيا ەلدەرىنىڭ ەلشىلەرى قاتىستى.
ءوزىنىڭ سوزىندە قازاقستان ەلشىسى نۇرعالي ارىستانوۆ ورتالىق ازيا ەلدەرى مەن كورەيا اراسىنداعى مادەني بايلانىستاردى دامىتۋدىڭ ماڭىزدىلىعىن اتاپ ءوتىپ, مۇنداي ءىس-شارالار حالىقتار اراسىنداعى ءوزارا تۇسىنىستىك پەن دوستىقتى نىعايتۋعا ىقپال ەتەتىنىن ايتتى.
سونىمەن قاتار, قازاق ديپلوماتى ساياسي جانە پارلامەنتتىك ديالوگتىڭ بەلسەندى دامىپ كەلە جاتقانىن اتاپ ءوتىپ, قازاقستان پرەزيدەنتى قاسىم-جومارت توقاەۆتىڭ 2026 جىلى سەۋلدە وتەتىن ورتالىق ازيا – كورەيا رەسپۋبليكاسى سامميتىنە قاتىسۋ جوسپارلارىن ەسكە سالدى.
ءوز كەزەگىندە, ورتالىق ازيا – كورەيا رەسپۋبليكاسى ىنتىماقتاستىق فورۋمى حاتشىلىعىنىڭ اتقارۋشى ديرەكتورى لي چون گۋك وڭىرلەر اراسىنداعى مادەني الماسۋدىڭ بەلسەندى دامىپ كەلە جاتقانىن اتاپ ءوتىپ, مۇنداي باستامالار حالىقتارعا ءبىر-ءبىرىنىڭ باي مۇراسى مەن داستۇرلەرىن جاقىنىراق تانىپ-بىلۋگە ىقپال ەتەتىنىن ايتتى.
ازيا مادەني ورتالىعىنىڭ پرەزيدەنتى كيم سانگ ۋك مادەني الماسۋدىڭ دەڭگەيىن جوعارى باعالاپ, مۇنداي باستامالاردىڭ ازيا حالىقتارىنىڭ ءبىر-ءبىرىن جاقىنىراق تانىپ-بىلۋىنە جانە حاباردارلىقتى ارتتىرۋعا كومەكتەسەتىنىن تىلگە تيەك ەتتى.
جامبىل اتىنداعى قازاق مەملەكەتتىك اكادەميالىق فيلارمونياسىنىڭ مۇشەلەرى قازاقتىڭ كۇيلەرى مەن حالىق اندەرىن اسقان شەبەرلىكپەن ورىندادى. «Tarbiya» برەندىنىڭ ءداستۇر مەن زاماناۋي ءستيلدى ۇيلەستىرگەن ۇلتتىق كيىمدەر كوللەكتسياسىدا كورەرمەندەردىڭ ەرەكشە قىزىعۋشىلىعىن تۋعىزدى. فەشن-شوۋ قوناقتارعا قازاقستاننىڭ باي مادەني مۇراسى مەن جاندى ەنەرگياسىن سەزىنۋگە مۇمكىندىك بەردى.
قازاق ونەرپازدارىنىڭ ورىنداۋلارى مەن ءداستۇرلى كيىمدەر كورسەتىلىمى كورەي اۋديتورياسىندا ۇلكەن قىزىعۋشىلىق تۋدىرىپ, جوعارى باعا الدى. بۇل ءىس-شارا ءوزارا مادەني بايىتۋدىڭ جارقىن ۇلگىسى بولىپ, قازاقستان مەن كورەيا اراسىنداعى گۋمانيتارلىق بايلانىستاردى نىعايتۋعا ەلەۋلى ۇلەس قوستى.