سوتقا دەيىنگى تەرگەۋ ورگاندارى ء“ساتتى ليۋكس” قۇرىلىس كومپانياسىنىڭ باسشىسى قر قك-نىڭ 190-بابى, 4-بولىگى, 2-تارماعى بويىنشا الاياقتىق جاسادى دەپ ايىپتادى, دەپ حابارلايدى Egemen.kz.
سوت ۇكىمىمەن ت. قر قك-ءنىڭ 190 بابىنىڭ 4-بولىگىنىڭ 2 تارماعىمەن كىنالى دەپ تانىلىپ, وعان 6 جىل 8 اي مەرزىمگە باس بوستاندىعىنان ايىرۋ جازاسى تاعايىندالدى.
جابىرلەنۋشىلەردىڭ ازاماتتىق تالاپتارى ءىشىنارا قاناعاتتاندىرىلىپ, ايىپتالۋشىدان كەلتىرىلگەن زالال تولىق كولەمدە ءوندىرىلدى.
سوت سوتتالۋشىنىڭ كامەلەتكە تولماعان بالاسىنىڭ بارىن قىلمىستىق جاۋاپتىلىق پەن جازانى جەڭىلدەتەتىن ءمان-جاي رەتىندە تانىدى. ايتا كەتكەن ءجون, قۇرىلىس كومپانياسىنىڭ باسشىسى ۇلەسكەرلەردىڭ قاراجاتى ەسەبىنەن قۇرىلىس جۇرگىزۋگە ۋاكىلەتتى ورگاننىڭ رۇقساتىنسىز, “التىن” تۇرعىن ءۇي كەشەنىن سالۋ ءۇشىن 51 ازاماتتان اقشا العان.
سوت انىقتاعانداي, ول ءۇيدىڭ ىرگەتاسىن قالاماي تۇرىپ, جەر تەلىمىنسىز ميلليونداعان تەڭگە جيناعان. سونداي-اق, سالىنىپ جاتقان تۇرعىن ءۇي كەشەنىنەن “پاتەر ساتامىن” دەپ 5 ازاماتتىڭ اقشاسىن الىپ, پاتەردى بەرمەگەن. جاڭا تۇرعىن ءۇي كەشەنىنىڭ جوباسىنا قارجى قۇيۋ ماقساتىندا 1 ميلليارد تەڭگە قاراجاتتى يەمدەنگەن.
سوت ۇكىمى زاڭدى كۇشىنە ەنگەن جوق.
قاراعاندى وبلىسى