ۇكىمەتتە مەملەكەت باسشىسىنىڭ مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىن جاڭعىرتۋ جونىندەگى تاپسىرماسىنىڭ ورىندالۋ بارىسى قارالدى, دەپ جازادى Egemen.kz.
پرەمەر-مينيستر ولجاس بەكتەنوۆتىڭ توراعالىعىمەن وتكەن وتىرىستا مەديتسينالىق كومەكتىڭ قولجەتىمدىلىگى مەن ساپاسىن ارتتىرۋ باعىتىنداعى جۇمىستار تالقىلاندى.
«مەملەكەت باسشىسىنىڭ تاپسىرماسى بويىنشا مىندەتتى الەۋمەتتىك مەديتسينالىق ساقتاندىرۋ جۇيەسىن جاڭعىرتۋ قولعا الىندى. ءتيىستى جۇمىس ءجۇرىپ جاتىر. ول مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا مۇمكىندىك بەرەدى», دەدى ۇكىمەت باسشىسى.
بيىل شىلدە ايىندا قابىلدانعان زاڭ ءمامس جۇيەسىن جەتىلدىرۋگە باعىتتالعان. ول مەديتسينالىق كومەكتىڭ بىرىڭعاي پاكەتىنە جانە ساقتاندىرۋ مودەلىنە كەزەڭ-كەزەڭىمەن كوشۋدى قامتاماسىز ەتەدى. جاڭا زاڭ اياسىندا كورسەتىلەتىن قىزمەتتەردىڭ ساپاسى مەن كولەمى كەڭەيىپ, دەنساۋلىق ساقتاۋ سالاسىنىڭ ۇزاقمەرزىمدى قارجىلىق تۇراقتىلىعىن نىعايتۋ كوزدەلىپ وتىر.