بۇگىن قازاقستان ۇلتتىق ەكونوميكا تاريحىنا ەنەتىن ماڭىزدى قادام جاسادى. الەمنىڭ جەتەكشى دەرجاۆالارىنىڭ تاجىريبەسىنە سۇيەنە وتىرىپ, ەلىمىز مەملەكەتتىك كريپتورەزەرۆ قالىپتاستىرۋدى قولعا الدى. بۇل – قارجى تۇراقتىلىعىن كۇشەيتىپ, قازاقستاندى جاڭا تسيفرلىق ەكونوميكانىڭ كوشباسشىلارىنىڭ قاتارىنا قوسۋعا باعىتتالعان ستراتەگيالىق قۇرال بولماق.
وسى شەشىمنىڭ باستاماشىسى – Respublica پارتياسىنان سايلانعان ءماجىلىس دەپۋتاتى ولجاس قۇسپەكوۆ. دەپۋتات العاش رەت كريپتواكتيۆتەردى ەلدىڭ التىن-ۆاليۋتا رەزەرۆتەرىنىڭ قۇرامىنا ەنگىزۋ مۇمكىندىگىن قاراستىرۋدى ۇسىندى. ول مۇنداي قادام ۇلتتىق رەزەرۆتەردى ارتاراپتاندىرۋعا, ەكونوميكانى جاھاندىق تاۋەكەلدەردەن قورعاۋعا, سونداي-اق قارجى جۇيەسىنىڭ يكەمدىلىگى مەن جاڭا مۇمكىندىكتەرىن ارتتىرۋعا جول اشاتىنىن اتاپ ءوتتى.
باستاماعا جاساندى ينتەللەكت جانە تسيفرلىق دامۋ مينيسترلىگى مەن قر ۇلتتىق بانكى قولداۋ ءبىلدىردى. جاڭا قور قۇرامىنا الەمدە مويىندالعان نەگىزگى تسيفرلىق اكتيۆتەر — Bitcoin, Ethereum جانە ستراتەگيالىق رەزەرۆتەر رەتىندە قاراستىرىلاتىن باسقا دا جەتەكشى قۇرالدار ەنگىزىلەدى.
ولجاس قۇسپەكوۆ, ءماجىلىس دەپۋتاتى, Respublica پارتياسى:
«قازاقستان تسيفرلىق بولاشاقتى قۋىپ جەتۋشى ەمەس, باعىت بەرۋشى بولۋى ءتيىس. كريپتورەزەرۆ – جاي عانا يننوۆاتسيا ەمەس, ەكونوميكانى زاماناۋي جانە تۇراقتى ەتەتىن ستراتەگيالىق قالقان. بۇل شەشىم ەلدىڭ تۇراقتىلىعى مەن دامۋىنا قىزمەت ەتەتىن جاڭا قارجىلىق ەكوجۇيەنى قالىپتاستىرۋعا جول اشادى».
ماڭىزدىسى – كريپتورەزەرۆ ۇلتتىق ۆاليۋتا – تەڭگەنىڭ ورنىنا قولدانىلمايدى جانە تولەم قۇرالى بولىپ تابىلمايدى. ول ءداستۇرلى اكتيۆتەردى تولىقتىرۋشى ەلەمەنت رەتىندە ارەكەت ەتىپ, مەملەكەتتىڭ قارجىلىق تۇراقتىلىعىنىڭ كەپىلىنە اينالادى.
قازاقستاننىڭ كريپتورەزەرۆىن قۇرۋ – بۇل يننوۆاتسيالىق ءارى ورنىقتى ەكونوميكاعا بەت بۇرۋ, ەلىمىزدىڭ عالامدىق ارەناداعى ورنىن نىعايتۋ جانە تسيفرلىق بولاشاققا دايىن ەكەندىگىن كورسەتۋ جولىنداعى ماڭىزدى قادام.