ىلە-الاتاۋ مەملەكەتتىك ۇلتتىق تابيعي پاركى (الماتى وبلىسى) اۋماعىندا تۇركىستان سىلەۋسىنى (Lynx lynx isabellinus) كەزدەسكەن, دەپ حابارلايدى Egemen.kz.
اتالعان جابايى جانۋار – اقساي فيليالىنىڭ ينسپەكتورلارى جۇرگىزگەن رەيد بارىسىندا كادرلارعا ءتۇسىپ قالعان. ەسكە سالايىق, سيرەك كەزدەسەتىن جىرتقىش تۇركىستان سىلەۋسىنى – قازاقستاننىڭ قىزىل كىتابىنا ەنگىزىلگەن.
«ادەتتە تەك فوتوتۇزاق ارقىلى تىركەلەتىن سىلەۋسىن بۇل جولى نەبارى 5-10 مەتر قاشىقتىقتان كەزدەستى. بۇل ۇلتتىق پارك اۋماعىنداعى بيوالۋانتۇرلىلىكتىڭ ساقتالۋىن جانە تابيعاتتى قورعاۋ شارالارىنىڭ تيىمدىلىگىن ايقىن كورسەتەدى», دەلىنگەن حابارلامادا.