ۇلتتىق ستاتيستيكا بيۋروسىنىڭ مالىمەتىنشە, تامىز ايىندا 159,5 مىڭ اۆتوكولىك تىركەۋدەن وتكەن. ونىڭ 5,2 %-ى العاش رەت ەسەپكە قويىلعان, دەپ جازادى Egemen.kz.
رەسمي ستاتيستيكا بويىنشا, تامىزدا الماتى قالاسىندا 20,7 مىڭ كولىك تىركەلگەن. بۇل قازاقستانداعى ەڭ جوعارعى كورسەتكىش. ەكىنشى ورىندا - الماتى وبلىسى تۇر. بۇل ايماقتا 15,6 مىڭ كولىك ەسەپكە قويىلعان. ءۇشىنشى كولىگى كوپ قالا - استانا. ەلوردا 14,5 مىڭ ماشينا تىركەۋدەن وتكەن.
تامىزدا ەسەپكە قويىلعان كولىكتەردىڭ 59,7 %-نىڭ جولدا جۇيىتكىپ جۇرگەنىنە 10 جىلدان اسا ۋاقىت وتكەن. قوزعالتقىش كولەمى بويىنشا باسىم بولىگى (36,3%) 1 500-2 000 سم³ ارالىعىندا ەكەنى انىقتالعان.
ال 1 قىركۇيەكتەگى جاعداي بويىنشا ەلدەگى جاپپاي تىركەلگەن اۆتوكولىك سانى - 6 786,9 مىڭ. ءبىر جىلدا 21,6 % مولشەرىندە ءوسىم بايقالىپ وتىر.
جالپى جيىنتىق بويىنشا دا الماتى قالاسىندا كولىك كوپ - 797,2 مىڭ. الماتى وبلىسىندا 723,9 مىڭ ماشينا تىركەلگەن.
اۆتوكولىكتەردىڭ 91,9 %-ى جەكە مەنشىكتە, قالعانى زاڭدى تۇلعالاردىڭ اتىنا تىركەلگەن.