ءماجىلىس دەپۋتاتى اسحات ايماعامبەتوۆ وتاندىق يۋتۋب ارناعا بەرگەن سۇحباتىندا مۇعالىمدەردىڭ ترەند ءتۇسىرىپ, تيك توك جۇرگىزۋىن سىنعا العان بولاتىن. زاماناۋي تەحنولوگيالار العا وزعان تۇستا ءبىلىم بەرۋ ءىسىن جاڭاشىلدىققا جەتەلەۋ مەن پەدوگيكالىق ادەپتەن اتتاماۋ, تسيفرلىق قاۋىپسىزدىكتى ساقتاۋ ماڭىزدى. جاڭا وقۋ جىلىندا ماجىلىسمەن وسى ەكى ماسەلەنىڭ اراجىگىن تەڭ اجىراتا ءبىلۋ كەرەك ەكەنىن تارقاتىپ ايتتى, دەپ جازادى Egemen.kz.
اسحات قانات ۇلىنىڭ ايتۋىنشا, ءار سالانىڭ مامانى الەۋمەتتىك جەلىدە بلوگ جۇرگىزۋىنە ەشقانداي شەكتەۋ قويىلماعان. دەسە دە دەپۋتات مۇعالىمدەردىڭ جۇمىسى بالالارمەن تىعىز بايلانىستى بولعاندىقتان ۆيدەودا ولاردىڭ بەت-بەينەسى ايقىن كورسەتۋ قاۋىپتى ەكەنىن اتاپ ءوتتى.
«مۇعالىم ءار تاربيە ساعاتىن ريلسقا جۇكتەگەنىن قولدامايمىن. بىرىنشىدەن, بالانىڭ بەت-بەينەسىن رۇقساتسىز قولدانۋ, قۇقىن ەلەمەۋ. ەگەر مۇعالىم بالالاردىڭ قاتىسۋىمەن بلوگ جۇرگىزەتىن بولسا اتا-انادان رۇقسات الۋ كەرەك. ەكىنشى, جي زامانىندا وقۋشىنىڭ بەينەسىن ءتۇرلى جاعدايدا پايدالانىلۋى مۇمكىن. ءۇشىنشى ۆيدەو ءتۇسىرۋ وقۋ پروتسەسىنە زيان كەلتىرمەۋى ءتيىس», دەدى اسحات ايماعامبەتوۆ.
تيك توك, ينستاگرامداعى پاراقشالارىن ءوزى جۇرگىزەتىنىن ايتقان ايماعامبەتوۆ بۇل شارۋا ءبىرشاما ۋاقىتتى تالاپ ەتەتىنىن, سوندىقتان وقۋ-پروتسەسىنە قاتىستى قانداي دا ءبىر ەسەپتى جەلىگە جۇكتەۋ تالاپ ەتىلسە وعان قوسىمشا اقى تولەۋدى دە قاپەرگە الۋ كەرەكتىگىن ايتتى.
«مۇعالىمدەردەن قوسىمشا مۇنداي بەلسەندىلىكتى تالاپ ەتۋ دۇرىس ەمەس. ال ەگەر پەداگوگتىڭ ءوزى ىنتا تانىتسا, بالانىڭ قۇقىعى, اتا-انانىڭ رۇقساتى, قوسىمشا جۇكتەمەنى الىپ ءجۇرۋ مەن ەتيكالىق ستاندارتتاردى اتتاماۋى شارت», دەدى دەپۋتات.