«يانۆارتسەۆو» شەكارالىق گيدروبەكەتىنىڭ دەرەكتەرى بويىنشا, بيىلعى جىلدىڭ التى ايىندا رەسەي اۋماعىنان قازاقستانعا جايىق وزەنى ارقىلى 6,43 ملرد تەكشە مەتردەن استام سۋ كەلگەن, دەپ حابارلايدى Egemen.kz.
جايىق ترانسشەكارالىق وزەنىنىڭ سۋ اعىسىنىڭ 80%-عا جۋىعى رەسەي فەدەراتسياسى اۋماعىندا قالىپتاسادى. ەلىمىزدە بۇل وزەن اتىراۋ وبلىسى ارقىلى كاسپي تەڭىزىنە قۇيادى.
قر سۋ رەسۋرستارى جانە يرريگاتسيا مينيسترلىگىنىڭ قىتاي جانە رەسەيمەن سۋ سالاسىنداعى ىنتىماقتاستىعى باسقارماسى باسشىسى ناعيما اجىعۇلوۆانىڭ ايتۋىنشا وزەن سۋىنىڭ ءبولىنۋى 1996 جىلعى 20 ماۋسىمدا بەكىتىلگەن جايىق وزەنى باسسەينىندە ترانسشەكارالىق سۋ نىساندارىن بىرلەسىپ پايدالانۋ جانە قورعاۋ, سۋ شارۋاشىلىعى قىزمەتىن ۇيلەستىرۋ تۋرالى حاتتاماعا سايكەس رەتتەلەدى.
«قۇجاتتا رەسەي تاراپىنان قازاقستانعا جىبەرىلەتىن سۋ كولەمى اي سايىن ناقتىلانعان», دەدى ن.اجىعۇلوۆا.