بۇل تۋرالى بۇگىنگى ۇكىمەت وتىرىسىندا ايتىلدى, دەپ حابارلايدى Egemen.kz.
«اگروماركەتپلەيستى جانە قاداعالاۋ جۇيەسىن ىسكە قوسۋ جونىندەگى باستامالاردىڭ ماڭىزدىلىعىن اتاپ وتكىم كەلەدى. ولار اۋىلدىق ەلدى مەكەندەردە ەكونوميكالىق بەلسەندىلىكتىڭ بارىنشا وسۋىنە ىقپال ەتەتىن بولادى», دەپ اتاپ ءوتتى پرەمەر-مينيستر ولجاس بەكتەنوۆ.
ساۋدا مينيسترلىگىنە سالالىق مەملەكەتتىك ورگاندار مەن اكىمدىكتەردىڭ جۇمىسىن ۇيلەستىرۋدى قامتاماسىز ەتۋ, اۋىل شارۋاشىلىعى مينيسترلىگى جىل سوڭىنا دەيىن اگروماركەتپلەيس ارقىلى اۋىل شارۋاشىلىعى وندىرۋشىلەرىنىڭ جۇمىسىن ىنتالاندىراتىن تەتىكتەردى ازىرلەۋ تاپسىرىلدى.
«سىرتقى ساۋدا قىزمەتى اياسىندا تاۋارلاردى اكەلۋ ۇدەرىستەرىن اۆتوماتتاندىرۋ, مامىلەلەردىڭ اشىقتىعى مەن سەرتيفيكاتتاۋ ماسەلەلەرىندە بيزنەسكە كومەك كورسەتۋ قاجەت. ساۋدا مينيسترلىگىنە «قازپوشتامەن» بىرلەسىپ, جىل سوڭىنا دەيىن ۆ2ۆ ەلەكتروندىق ساۋدا الاڭىنىڭ پيلوتتىق جوباسىن ىسكە قوسۋدى تاپسىرامىن», دەدى ولجاس بەكتەنوۆ.
پرەمەر-مينيستر وسى ماسەلەلەردىڭ بارلىعى يكەمدى ۆەدومستۆوارالىق ءوزارا ءىس-قيمىلدى جانە بيزنەسپەن تۇراقتى اشىق ديالوگ جۇرگىزۋدى تالاپ ەتەتىنىنە نازار اۋداردى.