ەلوردادا «ASTANA DIRT SERIES» كۋبوگى اۆتوجارىسىنىڭ العاشقى كەزەڭى باستالدى. بۇل دودا ءۇش كەزەڭنەن تۇرادى, دەپ حابارلايدى Egemen.kz.
ۇزاق ۇزىلىستەن كەيىن «الاش» بويىنداعى اۆتودروم قايتا جاندانىپ, تەحنيكالىق سپورتتى سەرىك ەتكەن جانكۇيەرلەردىڭ دەمالىسى دۋمانعا اينالدى. ال ەلىمىزدىڭ سولتۇستىك وڭىرلەرىنەن كەلگەن 25 ەكيپاج ءۇشىن العاشقى كەزەڭىن شيەلەنىستى تارتىسقا تولى باستالىپ, بۇل جاعداي جاڭا ماۋسىمنىڭ وڭايعا سوقپايتىنىن اڭعارتتى.
وسى جارىس قارساڭىندا 10 جىلعا جۋىق قاراۋسىز قالعان قالا شەتىندەگى اۆتودرومدا قاۋلاعان قۋراي ءشوپ شابىلىپ, جاۋىن شايىپ كەتكەن جارىس جولدارى قايتا قالپىنا كەلتىرىلدى. بۇل ىسكە «KazMotorSport» جاۋاپكەرشىلىگى شەكتەۋلى سەرىكتەستىگى قولداۋ ءبىلدىرىپ, سول مەكەمەنىڭ باسشىلارى الداعى ۋاقىتتا وزگە دە قوردالانعان ماسەلەلەردى شەشۋ كۇن تارتىبىندە تۇرعانىن اتاپ ءوتتى.
باستى ماقسات — مۇنداي جارىستاردى كەلەشەكتە ءداستۇرلى تۇردە وتكىزىپ, ەلوردالىق جاستاردىڭ تەحنيكالىق سپورتقا دەگەن قىزىعۋشىلىعىن ارتتىرىپ, وتاندىق اۆتوسپورتتى دامىتۋعا بولىپ تابىلادى.
نۇرپەيىس قونىسباي,
اۆتوموتوسپورتتان مەملەكەتتىك جاتتىقتىرۋشى