الماتى وبلىسىندا قورعانىس مينيسترلىگىنە تيەسىلى تىكۇشاقتى ىزدەۋ جۇمىستارى جالعاسىپ جاتىر. اسكەري تىكۇشاق 25 شىلدە كۇنى كۇندىز راداردان جوعالىپ كەتكەن, - دەپ حابارلايدى Egemen.kz.
توتەنشە جاعدايلار مينيسترلىگىنىڭ ءباسپاسوز قىزمەتى حابارلاعانداي, تىكۇشاقتى ىزدەۋ جۇمىستارى تۇنگى ۋاقىتتا دا توقتاماي جۇرگىزىلۋدە. اقپارات جاڭارعان سايىن مينيسترلىك قوسىمشا مالىمەت بەرەتىنىن مالىمدەدى.
25 شىلدە كۇنى ساعات 15:13 شاماسىندا الماتى وبلىسىندا اسكەري تىكۇشاقتى ىزدەۋ جۇمىستارى باستالعانى حابارلانعان.
قورعانىس مينيسترلىگىنىڭ مالىمەتىنشە, قازاقستان قارۋلى كۇشتەرى اۋە قورعانىسى كۇشتەرىنىڭ EC-145 تىكۇشاعى جوسپارلى ۇشۋ تاپسىرماسىن ورىنداپ جۇرگەن. بورتتا ءۇش ەكيپاج مۇشەسى بولعان. وقيعانىڭ ءمان-جايىن انىقتاۋ ءۇشىن ارنايى كوميسسيا جولداندى. التى ساعات وتسە دە اۋە كولىگى ءالى تابىلعان جوق.