«تازا قازاقستان» اكتسياسى اياسىندا «جاسىل ەل» جاستارىنىڭ باستاماسىمەن ەلورداداعى اتالعان ساياباقتا تازالىق شاراسى ءوتىپ, وعان 150-دەن استام جاس ەرىكتى قاتىستى, دەپ جازادى Egemen.kz.
جاس ازاماتتار ساياباق اۋماعىندا 200-دەن استام اعاشقا سۋ قۇيىپ, قورشاعان ورتانى جاسىل جەلەكپەن كومكەرۋگە اتسالىستى, قوقىس پەن ارام شوپتەر جيناپ, 150 كيلوگرامنان اساتىن 18 قاپ قالدىق شىعاردى. سونداي-اق, 20-دان استام قاتىسۋشى ۇيلەرىنەن ارنايى الىپ كەلگەن پلاستيكالىق بوتەلكەلەر مەن ىدىستاردى تاپسىرىپ, قايتا وڭدەۋگە جىبەردى.
«بۇگىنگى شارانىڭ ماقساتى – جاستاردىڭ بويىندا تابيعاتقا جاناشىرلىقتى قالىپتاستىرۋ, ولاردى قورشاعان ورتاعا جاۋاپكەرشىلىكپەن قاراۋعا ۇيرەتۋ. جاسىل ورتا – جارقىن بولاشاقتىڭ كەپىلى. بۇل تەك سەنبىلىك ەمەس, ۇلكەن تاربيە مەكتەبى», دەيدى جوبا جەتەكشىسىنىڭ ورىنباسارى ابدۋراشيتوۆ اسىلبەك.
سونىمەن قوسا, «كىتاپ الماسۋ» اكتسياسى دا ءوتىپ, 30-دان استام جاس وقىپ شىققان كىتاپتارىن جاڭا كىتاپتارعا الماستىرىپ, رۋحاني بايلىققا دەگەن قۇشتارلىقتارىن تانىتتى.
«جاسىل ەل» باعدارلاماسى جىل سايىن مىڭداعان جاستى بىرىكتىرىپ, ەلدى مەكەندەر مەن ساياباقتاردى اباتتاندىرۋعا, ورماندى القاپتاردى قالپىنا كەلتىرۋگە ۇلەس قوسىپ كەلەدى. بۇل – جاستاردىڭ ەڭبەك پەن ەلجاندىلىققا جانە بىرلىككە باستار جولى. جاستار ساياباعىنداعى بۇگىنگى شارا سونىڭ ءبىر ايعاعى ىسپەتتى.