ۇلىتاۋ وبلىسىندا الەۋمەتتىك وسال توپتاعى 3000-نان استام وقۋشىعا قارجىلاي كومەك بەرىلەدى. ءبىر رەتتىك قاراجات بالالاردى مەكتەپكە دايىنداۋ ماقساتىندا حالىقتىڭ الەۋمەتتىك وسال توپ ساناتىنداعى وقۋشىلارعا كيىم-كەشەك, كەڭسە تاۋارلارىن ساتىپ الۋ ءۇشىن تامىز ايىنان باستاپ تولەنە باستايدى, دەپ حابارلايدى Egemen.kz.
سونىمەن قاتار, 1 تامىزدان باستاپ, از قامتىلعان جانە كوپ بالالى وتباسىلار قاتارىنداعى وقۋشىلارعا, جەتىم بالالار مەن اتا-اناسىنىڭ قامقورلىعىنسىز قالعان بالالارعا وقۋ جىلىنىڭ باستالۋىنا دايىندىق كەزەڭىندە كومەك كورسەتۋ ماقساتىندا ءداستۇرلى «مەكتەپكە جول» رەسپۋبليكالىق اكتسياسى باستالادى. جاڭا وقۋ جىلىنا دايىندىق رەتىندە بيىل وبلىستىڭ 7 مەكتەبىندە كۇردەلى, 2 ءبىلىم وشاعىندا اعىمداعى جوندەۋ جۇمىستارى اتقارىلىپ جاتىر. وعان قوسا, 24 مەكتەپ 28 پاندىك كابينەتتەرىمەن ونىڭ ىشىندە فيزيكا-6, حيميا-6, بيولوگيا-5, STEM-6, روبوتوتەحنيكا-5 قامتاماسىز ەتىلىپ جاتىر. ۇلىتاۋ وبلىسىنداعى ءبىلىم بەرۋ ۇيىمدارى 1 ساۋىردەن باستاپ 31 تامىزعا دەيىن 1 سىنىپقا قۇجاتتار قابىلدايدى. بولجام بويىنشا 1 سىنىپقا 4 393 بالا مەكتەپ تابالدىرىعىن اتتاعالى وتىر. بۇگىنگى تاڭدا 3 112 (71%) وقۋشى 1-سىنىپقا قابىلداندى. ونىڭ ىشىندە 2615 (84%) بالا قازاق سىنىبىنا قابىلداندى.
ۇلىتاۋ وبلىسى