قازاقستاندا مەديتسينالىق-سانيتاريالىق العاشقى كومەك (مساك) ۇيىمدارى دەڭگەيىندە تۋبەركۋلەزدى دياگنوستيكالاۋدىڭ زاماناۋي جىلدام مولەكۋلالىق-گەنەتيكالىق ادىستەرى ەنگىزىلدى, دەپ جازادى Egemen.kz.
بۇل ءتاسىل تۋبەركۋلەز ميكوباكتەريالارىنىڭ تۋبەركۋلەزگە قارسى پرەپاراتتارعا دارىلىك سەزىمتالدىعىن 2 ساعاتتىڭ ىشىندە انىقتاۋعا مۇمكىندىك بەرەدى. ەمدەۋدى باستاماس بۇرىن ۋاقىتتى ەداۋىر قىسقارتادى جانە اۋرۋدىڭ تارالۋ قاۋپىن ازايتادى. بۇدان باسقا, حالىقارالىق ستاندارتتارعا سايكەس كەلەتىن فتيزيوپۋلمونولوگيانىڭ بارلىق وڭىرلىك ورتالىقتارىندا تۋبەركۋلەزدى دياگنوستيكالاۋدىڭ زەرتحانالىق ادىستەرى قولجەتىمدى بولادى. سونداي-اق, ۇلتتىق رەفەرەنس-زەرتحانادا گەنومدىق سەكۆەنيرلەۋ ەنگىزىلدى. دەنساۋلىق ساقتاۋ مينيسترلىگى ۇلتتىق فتيزيوپۋلمونولوگيا عىلىمي ورتالىعىنىڭ مالىمەتتەرى بويىنشا, 2025 جىلدىڭ 6 ايىندا مەديتسينالىق-سانيتاريالىق العاشقى كومەك (مساك) ۇيىمدارىندا تۋبەركۋلەزگە كۇدىكتى 44 941 ادام XpertMTB/Rif ادىسىمەن زەرتتەۋدەن وتكەن. ونىڭ ىشىندە 4 230 وڭ جاعداي انىقتالعان (9,4%). انىقتالعان تۋبەركۋلەز ينفەكتسياسى بار 8633 ادامعا پروفيلاكتيكالىق ەم جۇرگىزىلگەن.